أحمد سعد عن زوجته: "عليها حنجرة تطفش بلد" (فيديو)
الأربعاء 29/سبتمبر/2021 - 08:55 م
داعب الفنان أحمد سعد، زوجته علياء بسيوني، خلال حوارهما مع الإعلامية بسمة وهبة مقدمة برنامج "90 دقيقة"، الذي يعرض عبر شاشة "المحور"، قائلا: "عليها حنجرة تطفش بلد، والله ما شفت أسوأ من الحنجرة دي، مكنتش عارف هعيش معاها في البيت ازاي، وداني هتنزف، ده نشاز مش اختلاف".
أضاف: "أنا مسجل علاقات وعندي مشاكل والناس كلها عارفة، وحاولت أعمل معاها اللي فشلت أعمله في حياتي، بحيث إن علاقتنا مع بعض متبقاش على السوشيال ميديا عشان يبقى في خصوصية ونستمتع بيها، ومكنتش عارف أقابلها في مصر، وهي بتسافر إيطاليا، وقلت هروح لها وأعيش معاها هناك".
تابع: "وفي مرة كنا واقفين في ميدان بالليل، وقلت لها يا سلام أسعد شيء في الحياة بالنسبة للفنان إنه يبقى واقف في مكان واسع أو كبير وحاسس بخصوصية ومش خايف من الناس، ولسه كنت همسكها لقيت واحد قالي صباح الفل يا أحمد يا سعد وعدى ومشي.. لو كان في روكسي كان وقف سلم عليّ".
وعلقت زوجته على اختراق بعض المعجبين المصريين لخصوصيتهما في إيطاليا، وقالت: "في أول يوم لينا مع بعض في إيطاليا، لقينا 4 مصريين بيسلموا عليه وبيقولوا له يا فنان يا واجهة مصر في العالم".
