أحمد سعد: معنديش مانع أعمل بوتوكس أو فيلير (فيديو)
الأربعاء 29/سبتمبر/2021 - 09:58 م
قال الفنان أحمد سعد، إنه لم يستخدم البوتوكس أو الفيلير، موضحًا: "لسه موصلتش للحاجات دي بس هروح لها ومعنديش مشاكل معاها، لكن كان عندي مشكلة في الفك بسبب أسناني، والدكتور ظبطهالي من غير عملية جراحية، مفيش عمليات تجميل، لكن ده رباني".
وحول سر سعادته مع زوجته علياء بسيوني ، قال سعد خلال حواره مع الإعلامية بسمة وهبة مقدمة برنامج "90 دقيقة"، الذي يعرض عبر شاشة "المحور": "لازم كل واحد يعرف الحاجات اللي بيفهم التاني فيها، ويبقى اللي بيفهم في حاجة يكون مسؤول عنها وده مخليني حاسس بالاستقرار".
وتابع: "بنصحها إنها متركزش في التعليقات، لكنها بتقرأ 37 ألف تعليق في اليوم"، لترد علياء قائلة: "بشوف الرسايل على انستجرام لما ينزل حاجة، وساعات ألاقي واحدة باعتة له إيه اللي عاجبك في بسيوني دي؟! وبرد بإيفيهات".
وواصل: "عندها أسلوب وحش جدا في عرض الأمور، لو نزلت صورة على انستجرام مش عاجباها تقعد تصوت وتطلبني أحذف الصورة، ونفسي الأسلوب ده يتغير".
