شاب يحتفل بتخرج والدته من كلية الحقوق: "فخورين بيكي يارب نشوفك احسن محامية"
الجمعة 01/أكتوبر/2021 - 12:05 م
احتفل شاب بتخرج والدته من كلية الحقوق جامعة الإسكندرية، حيث دعمها برسالة حب وتقدير عبر حسابه الرسمي بموقع التواصل الاجتماعي "فيس بوك"، مشيرا إلى أنها دخلت عش الزوجية منذ سنة بعد طلاقها من والده.
ونشر الشاب صور له برفقة والدته وهي ترتدي ثوب التخرج، وكتب عليها تعليقا: "انهارده ماما اتخرجت من كلية حقوق اسكندرية بتقدير عالى ماما مكملتش تعليمها عشان تتجوز وهى عندها 18 سنه وجابت 4 اولاد و بعد طلاقها من بابا من حوالى 10 سنين جالها حاله من الاكتئاب".
وتابع: "اقترحنا عليها انا واخواتى انها تكمل تعليمها وده ممكن يشغلها شويه من اللى كانت فيه وان حياتها ممكن تتغير شويه وفعلا اخدت القرار ده ودخلت الثانويه العامه وذاكرت واجتهدت وجابت مجموع كبير بعد كده اختارت تدخل كلية الحقوق وفعلا دخلت الكليه وبدأت تحضر المحاضرات وتذاكر زى اى حد لحد ما جه اليوم اللى تتخرج فيه و بتقدير كمان".
أضاف: "انا واخواتى عمرنا ما كنا نتخيل انها توصل للمرحله دى احنا بجد فخوريين بيكى يا امى فعلا علمتينا يعنى ايه مفيش حاجه اسمها مستحيل وان دايما فيه امل انتى مثال للنجاح والطموح ربنا يخليكى لينا وعقبال ما نشوفك احسن محاميه فى مصر لان الحلم و الطريق لسه مخلصش مبروك يا امى على فكره هى كمان جالها عريس من سنه وجوزناها ف هى عروسه برضو".
