"طول ما فى نفس هنكمل الحياة".. أسماء مصطفى توجه رسالة جديدة لجمهورها
السبت 02/أكتوبر/2021 - 11:02 ص
حرصت الإعلامية أسماء مصطفى اليوم السبت، على توجيه رسالة لجمهورها، تشكرهم من خلالها على دعمهم ودعواتهم لها في الفترة الماضية، بعد تعرضها للإصابة بمرض السرطان.
وكشفت الإعلامية أسماء مصطفى أنها تعتزم مشاركة جمهورها تجربتها مع هذا المرض، حتى تدعم جميع المرضى في محنتهم، ومؤكدةً أن الحياة لن تتوقف، وتستمر بكل ما فيها من فرح أو حزن.
وكتبت أسماء مصطفى عبر صفحتها الشحصية بموقع "فيس بوك"، "صباح الخير عليكم جميعا من باب الفضفضة لان الصفحة بالنسبة ليه هى المتنفس الوحيد الى كتير بعبر فيه عن الى جوايا لما بكتب بوست والاقى دعوات كتير الحمد لله بفرح اقوى لان محدش عارف مننا دعوة مين مستجابة اسرع او مين اقرب كلنا بنحاول نجتهد وربنا المعين الشافى مش بيكون هدفى من البوست نفسى وبس لا بقول يمكن كلامى يفيد غيرى او على الاقل يصبر حد على ابتلاءه لما يشوف ابتلاء شخص اخر".
وأضافت، "الحاجة الثانية ان الصفحة وده من فضل ربنا عليها الالاف الناس معرفش فيهم الا عدد قليل جدا لكن بينا تواصل ومحبة وثقة لوجه مش مجاملات بين اصدقاء او معارف، واخيرا اوعدكم قريب جدا جدا او ما ابدا مرحلة العلاج الجاية انى هرجع اطلع لايف واحاول افيد غيرى ما هو طول ما فى نفس هنكمل الحياة وانا بعمل الى ربنا امرنى بيه بدعى وباخد بالاسباب واتوكل على الله".
وتابعت، "واول حاجة واهم حاجة لينا جميعا هى الرضا بقضاء الله اى ما كان ولانه لا راد لقضاء الله الا بقدر الله
وشكرا ليكم انكم مستحملنى ولسه بتدونى امل انى على الاقل طول الفترة الى عدت من حياتى كنت صح وكسبت حب ومحبة الناس الحمد لله".
