عايدة رياض: اتجوزت محرم فؤاد علشان أغيظ حد تاني مختلف عنى فى الديانة
الأربعاء 13/أكتوبر/2021 - 12:57 ص
كشفت الفنانة عايدة رياض عن أسباب قبولها الزواج من المطرب الراحل محرم فؤاد رغم فارق السن بينهما قائلة : " ساعة ماوافقت عليه كنت في الوقت ده مرتبطة بحد تان وكان فيه مشاكل تتعلق بإختلاف الاديان فحبيت أغيظه".
وتابعت في لقاء ببرنامج " كلمة أخيرة " الذي تقدمه الإعلامية لميس الحديدي على شاشة " ON"قائلة : "حبيت أغيظه وكنت صغيرة وعندي 19 سنة فتزوجته" ، متابعه " عملت خطوبة عشان أغيظ بس مشي الموضوع ومعرفتش أفلصفص واستمرت زيجتنا 12 عاماً وهي أطول زيجة له".
وأوضحت أن سبب طلاقها أنها رغبت في العودة للعمل قائلة : وعدني في الأول أني همثل وبعد كده قالي لا ومش عاوزني أشتغل وأنا مخلفتش وقاعدة في البيت زهقت وأنا واخدة على الحركة وبلعب " جمباز " وبرقص وفرقة ومسرح .. قعدت بعد الزواج 8 سنوات في البيت وبعدين رجعت الشغل بأعجوبة وبعدين حصل الطلاق لانه خيرني بينه وبين الشغل".
