"أنا قد أحفادك".. فتاة تتعرض للتحرش من مسن في أحد الباصات
الأربعاء 27/أكتوبر/2021 - 11:21 م
تداول رواد موقع التواصل الاجتماعى "فيسبوك"، منشور لإحدى الفتيات يتضمن تعرضها للتحرش من مسن فى أحد الباصات، وقيامها بالدفاع عن نفسها وتلقينه درسًا لن ينساه عن طريق ضربه على وجهه، وعبرت الفتاة عن شعورها بالانتصار عندما قامت بفعل ذلك ولم يكن أحد من الركاب بالدفاع عنها إلا بعد رد فعلها.
قالت الفتاة: "وأنا مروحة من الكورس وقاعدة في الباص فيه واحد اتحرش بيا، كنت خايفة جدًا بس لفيت وضربته بالقلم، راجل عنده ستين سنة وكانت حجته أنا معملتلكيش حاجة أنا قد جدك عيب كدا، قولتله طب اتكسف من نفسك إنك بتعمل كدا لواحدة قد أحفادك".
تابعت الفتاة: "أنا هزقته ونزل فى نص الطريق، ومافيش أي حد هزقه معايا وسط أكتر من 60 راكب محدش ضربه ولا حد كلمه، وكل اللى سمعته بعد مكملنا السكة جملة (جدعة إنها ضربته)، ندمانة إني معملتش محضر فى القسم بس إحنا كنا فى وسط طريق صحراوي مفيش أي قسم قريب، وندمانة إني مصورتوش عشان أفضحه وأحمي بنات تانية منه".
