القصة الكاملة لـ "إسلام برجر" بعد اكتشاف خطيبته زواجه وإنجابه
الخميس 28/أكتوبر/2021 - 11:15 ص
أصبح قصة "إسلام برجر" حديث السوشيال ميديا خلال الساعات القليلة الماضية، بعدما روت فتاة تدعى "نور" أنها فوجئت بزواج خطيبها وأن لديه أولاد، وذلك بعد قراءة الفاتحة والارتباط بينهما والذي دام لـ9 سنوات.
وأطلق رواد مواقع التواصل الاجتماعي اسم "إٍسلام برجر" بسبب تعليق الشاب وهو "افتكري يوم ما كلنا برجر قولتلك إيه آخر مرة"، وهو ما أثار سخرية الجميع قائلين: "ايوة عايزين نعرف قولتلها ايه بعد ماكلتوا البرجر".
بداية القصة عندما كتبت "نور" على صفحتها: "إحساس وحش أوي، إن بعد قراءة فاتحتي بيوم؛ أكتشف إنه متجوز ومخلف، والمفروض إني أعرف الشخص ده بقالي 9 سنين، موضوع مضحك أوي، حقيقي أنا مصدومة صدمة عمري".
وأضافت: "مش مستوعبة إن الناس بتعرف تكدب بالشكل ده، مش مستوعبة إني بعد كل السنين دي طلعت عايشة في كدبة، الحمد لله على كل شيء وكان من سنين يقول: أصل مش بفتح الفيسبوك خالص، طلع كل ده علشان متجوز، ومش عايز إني أكشفه، يلَّا الحمد لله على إنه كشفه على حقيقته، صدمة شديدة أوي، بس ربنا مش بيعمل حاجة وحشة".
وعلق أحد المغردين على "تويتر"، قائلا: "الموضوع تقيل اوي حقيقي اللي هو ٩ سنين وقراءة فاتحة مفيش لمرة ف مكالمة الطريقة أو التوقيت وضحوا حاجه التفكير ان شخص يكون واصل لكده اصلا ربنا رحمك منه وربنا يعوضك خير إن شاء الله".
