نشوى مصطفى تتنازل عن قضية التحرش بابنتها: العفو عند المقدرة

وتابعت "بسبب العظمة اللي الطرق بقت عليها الحمد لله تم القبض على العربية باللي كانو فيها فى اقل من اربع ساعات —  للاسف كلهم سنهم صغير —  الهدف اتحقق انهم هما وغيرهم عرفوا إن مصر اختلفت وكله متسجل  وان عندنا عنين صاحية بتحمينا ومحدش فوق القانون —  يمكن اخر سطر ده يزعل بعض الناس اللي طلبو منى انى استمر فى القضية —  بس حرصاً على امهات واسر المتهمين وانهيارهم بان ولادهم يتسجنوا - انا وابتغاء مرضاة الله تنازلت عن القضية عملاً بمبدأ العفو عند المقدرة ..ربنا يهديهم  — اللي طلبتو من اهاليهم وهما بيعتذروا لبنتى انهم يربوا عيالهم ويفهموهم معنى الرجولة —  وإن اقل عقوبة للمتخرش باللفظ او الاشارات الخادشة للحياة هى خمس سنوات طبقاً لقانون التحرش اللي أمر بتعديله سيادة الرئيس حفاظاً على حق بناتنا ".

واستطردت " حاجة تانية مهمة مكنتش اعرفها —  انا بالمناسبة معملتش محضر —  انا بس كتبت بوست هنا —  واللي اتحرك بالنيابة عنى كمواطنة مصرية  ادارة الرصد والبيان والتوجيه بمكتب النائب العام — ودى ادارة موجودة مخصوص لمتابعة السوشيال ميديا  وبيهتموا بأى  مشكلة يكتبها اي مواطن وليهم ارقام تليفون  نقدر نتواصل معاهم  وهما اللي بيقوموا باخطار النيابات المختصة نيابة عن اى مراطن تعرض لمشكلة..وعلى فكرة انا اتنازلت عن الجزء اللي يخصنا لكن حق الدولة مش من حقى اتنازل عنه  وهما عندهم مخالفات كتير تحيا مصر من كل قلبى".

وكانت الفنانة نشوى مصطفى، قد كشفت  عن تعرض ابنتها للتحرش من قبل مستقلي سيارة نقل، إذ وجهوا لابنتها إشارات بذيئة باليد، وكادت سيارتها تنقلب بعد تضايق سائق النقل عليها الطريق.

وألقت الأجهزة الأمنية القبض على المتهمين في واقعة التحرش وتبين أن السيارة المستخدمة وتبين أنها ملك نجل أحدهم، وبمواجهتهم قرروا أنهم حال سيرهم بمكان الواقعة فوجئوا بسيدة تجلس بجوار قائد سيارة أخرى تتعدى عليهم بالسب على إثر خلاف حول أولوية المرور، وقامت بتصويرهم بهاتفها المحمول وتوعدتهم فقام أحدهم بالإشارة لها بإشارات خادشة للحياء.