إلهام شاهين ترد: إيه التخلف إللي المجتمع بقى فيه ده؟ ما فيش ورانا غير "الهوس الجنسي"

قائلة: "مسألة الاسم كلمة المومس هي لغة عربية فصحى وموجودة في كتب الدين وفيه حديث عن الرسول بيقول كلمة المومس الفاضلة وهي تلك المومس التي وجدت كلباً يعاني العطش وسقته من مياه البئر بعدما خلعت حئاها وقامت بربطه في خمارها وربنا دخلها الجنة ده حديث معناه كده "

تابعت: "في مداخلة هاتفية خلال برنامج "كلمة أخيرة" الذي تقدمه الاعلامية لميس الحديدي على شاشة "ON" قائلة: "هتلغوا الحديث ومانعلموش للنشئ الجديد هل هتلغي الحديث من صحيح البخاري؟ إنت منزعج أنك هتشوفه على أفيش وهتلغي الحديث مثلاً؟! مش منزعج أنها في كتب الدين وبنفس المعنى".

تابعت: "لما الاطفال تسألنا يعني إيه مومس هنقلهم ست منحرفة والارتباط بينها وبين كلمة الفاضلة موجودة في معنى حديث الرسول صلى الله عليه وسلم".

مشيرة إلى التناقض هو اساس فكرة المسرحية المترجمة قائلة: فكرة الاعتراض على الاسم أنا قلت ممكن نغيره عشان الناس المتحفظة رغم أن ده غلط وقلت نحط كلمة "مومس" وبعدها علامات إستفهام وأكيد النائب سمع ومع ذلك عمل دوشة وطلب إحاطة في اليوم التالي".

معربة أن تناقض المعنى الموجود في الاسم هو جوهر المسرحية قائلة: لسة بنفكر في الموضوع إحنا مش أول مرة نعرض العرض ده وعرض منذ 50 عاماً وعرض بذات الاسم والنائب بيقول لايتماشى مع تقاليد المجتمع المصري متسائلة: هو إحنا في الستنيات كنا عاملينه للمجتمع الهندي؟ إيه الي حصل في المجتمع المصري؟ إيه التخلف الي بيحصل في المجتمع واصبح الجميع مصاب بالهوس الجنسي، لما حد يسالك فسرله معناه قله ست منحرفة".