"قعدلي تحت البيت".. سائق يتحرش بفتاة بعد رفضها الركوب معه

وتابعت: "قلتله ما أنا قلت لحضرتك من الأول بردو إدخل الشارع بس حضرتك يمكن مخدتش بالك".. قالي " لالالالا مقلتليش".

وأضافت: "قلتله حصل خير أنا آسفة لحضرتك ، ها وصلت ؟" قالي :" آه أنا تحت حضرتك تحت بقى ولا هتلطعيني عقبال ما تلبسي الجزمة و تنزلي قلتله : " هو حضرتك بتكلمني كدة ليه ؟" هو :" لاا مش قصدي بس مبحبش أستنى و بقالي كتير بلف".

أضافت: "قلتله تمام دقيقة و نازلة قفلت و بعدين حسيت إني مش عايزة أركب مع حد كلمني كدة ف بمنتهى الإحترام عملت كانسل للرحلة ، أول ما عملت كانسل كلمني 6 مرات ف أنا مردتش خلاص ، نزلت عشان أركب مع حد تاني لقيته واقف تحت البيت بالظبط رغم إن الفرق بين كنسلت أول رحلة و الثاني لما جيه كان 10 دقائق".

أردفت: " المهم وقت كافي إنه يمشي من تحت البيت ف عديته و رُحت ركبت مع التاني ، ف جاتلي رسالة على الواتس آب بالصورة ديه الحقيقي أنا مكسوفة و أنا حطاها بس هو أنا مش متخيلة لو كنت نزلت ركبت معاه و توهنا ولا إتعصب في الطريق ولا منغير ما أي حد يجي جمبه كان ممكن يعملي إيه".

استكملت حديثها: " و لو عليا ف الحصل حصل بس مش قادرة أتخيل إن دة ممكن يعدي على بنات تانية غيري يوصلهم في حتة و يكونوا معاه لوحدهم ف إتواصلت مع الشركة ف كان ردهُم التحسه مبرمج " إحنا بنعتذر بلا بلا بلا و هنقوم بحظر السائق لاستخدام الخدمة لفترة زمنية محددة " ، فترة زمنية محددة ديه الممكن اكون 3 أيام مثلاً و يرجع يشتغل تاني عادي و نرجع نقول هى حالات الإغتصاب و التحرش زايدة ليه يا جماعة ؟؟ عشان مفيش فعل بيحصل يا جماعة بردو و حقيقي لا تعليق و ربنا يحفظ أي بنت بتضطر تتعامل مع ناس شبه ديه و تتهان و هى قاعدة في بيتها كدة عادي" .