إيمان العاصى: 2021 خدت روحى وبابا مشى على غفلة
الجمعة 31/ديسمبر/2021 - 05:06 م
نشرت الفنانة إيمان العاصى صورة تجمعها بوالدها عبر حسابها الشخصي بموقع التواصل الاجتماعي Instgram، قائلة: "سنة مالهاش عندي أي وصف، مبحبهاش ولا بحب اسمها، خدت مني روحي الحقيقة، شرخ في قلبي حاسة بيه طول الوقت بيوجعني".
وأضافت إيمان العاصي: "مش قادرة اتقبل مهما حاولت ابقى عادي واتعايش، كلمة قلب مكسور لما كنت بقرأها حد كاتبها، عمري ما فهمت دا إحساس بجد ولا مجرد تعبير عن الزعل، بس طلع إحساس بجد بيوجع قوي".
وتابعت: "قلبي حاسة فيه شرخ رهيب واجعني طول الوقت، حتى وأنا بضحك، بابا مشي مني على غفلة يعني ايه موت !!!!!!!، دي حاجة مُرة قوي مرعوبة السنة تخلص وتبعد عني بجد يا بابا!!!!".
وقالت : "السنة دي خدتك مني أنا مش عاوزاها تهرب بيك بعيد عني، مش هعرف أعدي السنة دي أبدا بكرا عامل وجع في قلبي زي يوم وداعك الأخير كأني هفقد الأمل من جديد".
