"أنا أكتر واحد ساعد المصريين".. ميدو يرد على اتهامات الحقد من المحترفين
السبت 01/يناير/2022 - 09:59 ص
رد أحمد حسام ميدو، نجم نادي الزمالك الأسبق، على الاتهامات التي تعرض لها على مدار الساعات الماضية، بسعيه الدائم للتقليل من إنجازات المحترفين بالخارج.
وقال أحد المتابعين لـ"ميدو" عبر موقع التغريدات القصيرة "تويتر"، "مشكلة ميدو مش مع كوكا بس، ميدو جواه كره وحقد من أى حد مصرى هيحترف فى اوروبا خصوصا لو نجح واستمر لانه كان مصدق كدبة العالمى وكان عايز يعيش عليها عمره كله، وجعته أوي جملة أن كوكا هو ثانى اكثر لاعب مصرى سجل أهداف فى أوروبا بعد صلاح وثالث اكتر لاعب تتويجاً بالبطولات بعد صلاح والنني"، ليرد ميدو، "أكتر واحد ساعد المصريين على الاحتراف هو ميدو واسأل شوقي وغالي".
واندلعت أمس الجمعة، أزمة كبيرة بين أحمد حسن كوكا مهاجم قونيا سبور التركي، وأحمد حسام ميدو نجم نادي الزمالك الأسبق، بعدما بات كوكا ثاني أفضل هداف في أوروبا برصيد 99 هدفاً خلف النجم المصري محمد صلاح المحترف ضمن صفوف ليفربول الإنجليزي.
وشن أحمد حسن كوكا، مهاجم قونيا سبور التركي هجوماً عنيفاً إلى أحمد حسام ميدو، نجم نادي الزمالك الأسبق، بعدما حاول الأخير التقليل من إنجازاته وأرقامه على مدار مشواره الأحترافي في أوروبا، حيث وصفه ميدو بـ"المتواضع"، وهي الكلمة التي أشعلت غضب كوكا.
وقال ميدو رداً على أحد الصحفيين، "مهاجم متواضع لا يصلح للمستوى الدولي حتى ولو احرز 1000 هدف"، ليرد كوكا الذي وصل لهدفه الـ 99 في أوروبا عبر صفحته الرسمية بموقع "تويتر"، "مهاجم متواضع؟ اولا هو انت، أصلا مين طلب رأيك؟ ثانيا انت مبطل كوره وانت عندك 29 سنه وكل الناس عارفه ليه، ثالثا لو رقم الاهداف الي انا جايبه شايفه قليل ماجبتوش انت ليه؟، مع ان اللي بيلعب في نادي أكبر فرصه بتكون اكتر في التسجيل، رابعاً حاولت تبقي مدرب ومبتكملش شهر في أي نادي".
وأضاف، "خامسا بتحاول تبقي اعلامي وتتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني"، متابعاً، "وأنا عارف ان اكبر غلط اني ارد عليك وأنت فاضي وعندك برنامج تتكلم فيه كل يوم بس انا برده مش هيهدني كلامك وهفضل في طريقي ، مركز في مستقبلي ومش عايز حاجه من الناس بعد مبطل كوره و بعد لما اموت غير السيرة الحلوة".
ورد ميدو على حديث كوكا، "عمري ما لعبت في دوريات الالاضيش اللي انت بتلعب فيها.. مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه، عمري ماروحت المنتخب علشان مناسب حد مهم.. أنت عارف كويس أنت كنت بتروح المنتخب لسه.. رد في الملعب حاول تروح المنتخب.. أنت لاعيب تعبان وكل مؤهلاتك نسبك وأنت عارف كويس"، مضيفاً، "هتسيب سيرة حلوة ازاي وانت مابتعرفش تلعب مفيش حد هيجيب سيرتك لا بالحلو ولا بالوحش".
