كهربا: لم أندم على رحيلي عن الزمالك لكن هندم "لو سبت الأهلي"
الجمعة 07/يناير/2022 - 06:32 م
قال محمود عبد المنعم "كهربا"، لاعب الفريق الكروي الأول بالنادي الأهلي، على أنه لا يشعر بالندم لرحيله عن صفوف الزمالك، مضيفاً، "ندمان إني مشيت من الزمالك ؟ عمري ما ندمت على حاجة في حياتي.. الحاجة اللي هندم عليها إني أسيب الأهلي".
وتابع، "كهربا" في تصريحات تلفزيونية، "بشكر الكابتن محمود الخطيب على دعمه، وكلامه اللي قاله عليا هفضل فاكره ، ولو قعدت أشكر فيه مش هديله حقه هو والكابتن سيد عبد الحفيظ".
واستكمل "كهربا" تصريحاته، "علاقتي بموسيماني كويسة جداً، عمري في حياتي ما اتكلمت مع صحفي واتعلمت في الأهلي إن أسرار أوضة اللبس متطلعش بره، لما اتكلمت مع موسيماني اقتنع وهو حقق في الموضوع".
وتابع، "مبلعبش عشان رؤية الجهاز الفني وأنا بحترمها جداً، مفيش لعيب بيحب يقعد احتياطي، المدير الفني له وجهة نظر وتقبلتها ومفيش أي مشاكل، نفسي أكمل في الأهلي نفسي أقعد لغاية آخر يوم في الأهلي بس المفاوضات شغالة مع النادي التركي واللي ربنا عايزه هيكون".
