طارق شوقي: تغيير طريقة امتحان أولى وثانية ثانوي للتيسير على الطلاب

وقال، خلال مداخلة هاتفية ببرنامج "آخر النهار" مع الدكتور محمد الباز، المُذاع على قناة "النهار": "دي كلها امتحانات سنوات نقل عادية خالص، وملايين الطلاب من رابعة ابتدائي إلى الثانوية العامة بيمتحنوا بنفس الأسلوب، وهو الإجابة على الورق، وكل الحكاية أن حصل تغيير بسيط جدا في طريقة امتحان الصف الأول والثاني الثانوي، فبدلا من أن يجاوب الطالب على الأسئلة الاختيارية على التابلت والأسئلة المقالية في الورق سيجاوب الطالب على الأسئلة ورقيا فقط".

وواصل: "أهمية الامتحان الإلكتروني تأتي في حاجة ذات قيمة زي الثانوية العامة، عشان منطبعش ورق مثلا ويتسرب، لكن أولى وثانية ثانوي سنوات نقل، لما لقينا في لخبطة قلنا لا يبقى الامتحان كله ورقي، والجدل حول طريقة الامتحان مش مفيد".