"ابني مشلول بسبب لعبة".. سيدة تستغيث بعد إصابة نجلها بملاهي شهيرة بأكتوبر (فيديو)

وقالت "أسماء" عبر بث مباشر على حسابها الشخصي بموقع التواصل الاجتماعي "فيس بوك": "من 50 يوم تقريبا اتعرض ابني يوسف لحادث بشع.. المدرسة بتاعته عملت رحلة لمدينة ملاهي في مول شهير.. في نفس اليوم الساعة 11 مشرفة الرحلة اتصلت بيا قالتلي: "ابنك وقع على رقبته واتلوت مفيش اكتر من كدة ووديناه المستشفى والموضوع مش مستدعي إن أنتي تيجي".

وتابعت "أسماء": "بعد نص ساعة.. اتصلت مشرفة الرحلة وقالتلي لازم تكوني موجودة في المستشفى حالًا.. بعدها روحت لقيت ابني على سرير الطوارئ في المستشفى.. اتفاجئت إن الولد حصله كسر في الفقرة الثانية والثالثة.. وحصله شلل رباعي كامل في الـ4 أطراف نتيجة سقوطه". 

وأضافت: "صاحب المدرسة كلم والد ابني وقاله انا غير مسؤول عن الولد لأنه مكانش عندي في المدرسة.. وكمان صاحب الملاهي قال إحنا غير مسؤولين عن اللي حصل.. لحد ما الملاهي اتدخلت وقالت الموضوع ممكن يكون بشكل ودي وهنتكفل بالولد ماديًا من لحظة دخوله المستشفى لحد ما يتم شفائه".