إليسا لمنتقدي"أصحاب ولا أعز": أفلامنا فيها عري ومشاهد جنسية وكنا بنتقبلها

ومن جانبها علقت النجمة إلهام شاهين على الجدل المثار حول فيلم أصحاب ولا أعز للنجمة منى زكى ، بأنه لا يوجد مشهد واحد فى الفيلم فيه شئ يخدش حياء المتشددين كصورة.

وقالت إلهام شاهين عن فيلم أصحاب ولا أعز ،" الفيلم اللى عاملين ضجه عليه .. أصحاب ولا أعز . . لسه شايفاه .. فيلم جميل و حقيقى مشاكل حياتيه عاديه.. إيه يعنى لو فيه شخص واحد يقال عنه إنه مثلى ولا نرى ذلك ..دى حريه شخصيه .. و شخصيات موجوده فى حياتنا .. و المجتمع العربى فيه بلاوى أكتر بكتير جدا من اللى إتقدم فى الفيلم .. مش فاهمه سبب الضجه المفتعله على فيلم معروض على نتفليكس فقط .. اللى هى مش موجوده عند الناس العاديه أو المتحفظه لإن فيها أفلام أجنبيه فيها ستات بتقلع ملط و مشاهد جريئه جدا .. يعنى حلال على الفيلم الأجنبي".

وتابعت عبر صفحتها على إنستجرام ، " حرام على الفيلم الناطق بالعربيه لمجرد حوار جرئ فى المواجهه و غير معتاد ..مجتمع مهووس .. و بالنسبه للمتخلفين بتوع السينما النظيفه .. مفيش مشهد واحد فى الفيلم فيه شئ يخدش حياء المتشددين كصورة .. الجرأة فقط فى الحوار بين البطله و زوجها عندما شكت فيه إنه مثلى .. و الحوار أيضا لا يوجد فيه لفظ خارج .. و على فكرة بسبب الهجوم على الفيلم سيكون الأعلى مشاهده على نتفليكس.. برافو منى زكى .. فنانه ناضجه صادقه .. أداء رائع .. و الحقيقه الفيلم مباراه فى التمثيل بين كل ممثليه الرائعين إياد نصار و نادين لبكى و جورج خباز و عادل كرم .. تحيه لكل من شارك فى الفيلم بقيادة مخرج رائع وسام سميرة".