كارولين عزمي تشكر النيابة العامة ووزارة الداخلية بعد القبض على المتحرش بها
الخميس 27/يناير/2022 - 06:20 م
وجهت الفنانة كارولين عزمى الشكر للنيابة العامة ووزارة الداخلية بعد القبض على المتحرش بها.
كانت الفنانة الشابة كارولين عزمى قد كشفت عن تعرضها للتحرش اليوم داخل سيارتها، ونشرت كارولين عزمي مقطعين فيديو من الحادث عبر حسابها الشخصي بموقع التواصل الاجتماعي "انستجرام"، وكتبت معلقة عليها: "مساء الخير، أنا اللي يعرفنى أو متابعنى عارف أني شخص مالوش فى المشاكل، ولا عمري شاركت مشكله تخصنى سوشيال ميديا".
وأضافت: "النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقنى، اتفاجأت وهو بيقول لى بتصوريني يا بنت لفظ خادش".
وذكرت: "ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش اصور 1% من اللي عمله الشخص دا".
وتابعت كارولين عزمي: "أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريبا متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي".
