أكرم حسني: الكيميا عالية بيني وبين أحمد فهمي.. ووارد اشتغل مع شيكو وهشام ماجد
الخميس 27/يناير/2022 - 11:38 م
أكد الفنان أكرم حسني، أنه كان يتمنى العمل في النجم الراحل سمير غانم لانه يمثل قيمة مهمة وصعب تعويضه، قائلا: "كان نفسى اشتغل مع سمير غانم وهو مدرسة لوحده وكان بيمثل قيمة مهمة وصعب حد يعمل اللي كان بيعمله وبحب مسلسل ميزو وافيهاته التلقائية فى التمثيل وممكن اعمل حاجة زي ميزو".
واشار الفنان أكرم حسني، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، إلى أنه يحب الثنائيات في العمل مع النجم احمد فهمي، مضيفا: "مفيش حاجة اسمها ثنائية ممكن تنتهى طول ما في ادوار هتبقى اضافة لنا احنا الاثنين هنشتغل، وفي كيما بينا احنا الاثنين بنحبها وبنحب الشغل مع بعض ولو فى حاجة تضيف لنا هنعملها علطول وهو اخويا وحبيبي وبحب اشتغل معاه طول الوقت".
وعن امكانية عمله مع شيكو وهشام ماجد رد قائلا: "أنا عملت مع شيكو وهشام ماجد مسرحية ووارد نشتغل مع بعض وأي دور يجي يبقى اضافة لنا هنعمله علطول".
