عمر كمال: دخولى النار هنعرفه في الاخرة لما نقف قدام ربنا

علق مطرب المهرجانات عمر كمال على التطاول عليه بأنه لم يأخذ رزق أحد وأن حب الغناء هو ما وجده ودخول النار من عدمه ليس من حق أحد أن يحكم عليه

وقال عبر صفحته الشخصية على موقع التواصل الاجتماعى " فيس بوك"، "أنا طلعت لقيت جوايا حب لحاجة أسمها غنا .. سعيت ف السكة ديه وربنا سبب الأسباب والدنيا مشيت معايا و رزقنى من وسع بعد ضيقة و تعب .. ممكن أكون صح و بعمل خير وممكن أكون غلط وهخش  النار .. ده موضوع هنعرفه ف الاخرة لما نقف قدام ربنا .. لكن أنا لا أخدت رزقك .. ولا سرقتك .. و لا أذيتك".

وتابع عمر كمال " ولا أنت كنت طالع منحة دراسية بلد أوروبية وأنا طلعت بدالك .. ولا انا أخدت مكانك ف شغل أو مرتب أو ترقية ف أى حاجة .. انا  أخترت طريق ومشيت فيه وبس .. فا الدنيا مش مستاهلة أنك تهينى وتشتمنى .. ممكن تتابعني لو شايفنى بقدم حاجة تبسطك وتغير المود بتاعك للأحسن .. وممكن متابعنيش لو شايفنى  مش بقدم أى حاجة مهمة ف الحياة .. بس متأذنيش بكلامك عشان أنا بنى أدم زيك بحس وبزعل وليا أم و أهل أهانتك ليا بتزعلهم".