الجمهور يبحث عن عايدة رياض.. اعرف السبب

أوضحت، أنها دخلت إلى المدرسة صدفة بعد أن كانت بطلة جمهورية في "الجومباز" قائلة: "البداية كلها كانت رياضية مقترنة بأني بحب أضرب كورديون وبيانو في المدرسة، المدرسة زمان كانت حلوة أوي ويارب ترجع تاني أحسن من الاول.

مضيفة: "دخلت الفرقة القومية عن طريق المدرسة، وكان زمان بتكون حفلات بالمدارس مثل عيد الأم، وتقدم فيها حفلات راقصة، ووقتها استعانت المدرسة بالراقصة دينيس من أم فرنسية وأب مصرى"، وكانت وقتها هى الراقصة الأولى فى الفرقة القومية، وكنت أنا بطلة الجمهورية فى الجمباز، وأعجبت بى وقالت هنا تقديم للبنات من سن 12 عاما للانضمام فى الفرقة القومية، فسألتها ما هى الفرقة القومية؟ فقالت لى: شوفتى أجازة نصف السنة لمحمود رضا؟ قلت: طبعاً أنا عاشقة للفيلم ولمحمود رضا".

وكشفت الفنانة عايدة رياض أنها عملت مع كبار المخرجين والفنانين من جيل العمالقة  وتعلمت من هذا الجيل الكثير قائلة : تعلمت منهم الالتزام وأني أذاكر الدور في كل مرة وكأنه أول مرة  سواء كنت صغيرة  أو كبيرة في السن أو في مساري الفني".

  

وأوضحت، أنها عاصرت محمود المليجي وأمينة رزق وهذا جيل عملاق أثر في مسيرتها الفنية  قائلة : عاصرت أمينة رزق ومحمود المليجي ومثلت جنبهم  وعرفت منهم يعني إيه الالتزام وعبد الله وحمدي غيث بخلاف  المخرجين علي بدرخان وغيرهم ".

وحول تغير المناخ في هذا الجيل عن الآن قالت : كان فيه تدقيق وإجتهاد .. كان المشهد في االسينما له ثقله  المشهد الواحد كان ليه ثلاثة سيناريست وثلاثة مؤلفين كان كل حاجة فيها تدقيق كانت المنظومة كلها حكاية مش حشو مشاهد وتكرار للكلام"، متابعه: "كل مشهد كان أسطورة لوحده".

 

وعلقت الفنانة عايدة رياض على مشاهد المقاولات أو التجارية قائلة: "عملت أفلام مهمة وفي غيرها مش مهم  ومش ندمانة على نوعية أفلام المقاولات لسبب بسيط  هو الإجابة على سؤال يعني إيه أفلام مقاولات ؟ يعني الإنتاج الضعيف يعني أجري هيبقى ضعيف ..مش معناها  أني هاخد  أجر أكتر .. الناس فاهمة أفلام المقاولات غلط".

ورداً على سؤال الإعلامية لميس الحديدي  طيب لما هي مقاولات وأجرها قليل بتعمليها ليه قالت:  هفضل معتمدة على ثلاثة أفلام عملتهم مع الكبار وخلاص .. هعيش إزاي ؟!.

وحول وجود أدوار "إغراء" في هذه النوعية من الافلام عقبت قائلة: "أنا مش شايفاها إغراء الصراحة أنا شايفاها " موضوع " زي " اللعب مع الكبار " هل ده إغراء ؟!  قصة موجودة في المجتمع فيه ناس بتحب بعض ومش عارفين  يتجوزوا".. تابعت : " فيلم زي " الكيت كات " هل ده إغراء  ؟! ده فيلم علامة  في السينما رغم أن فيه قبلات".

وحول لجوء بعض الفنانين حالياً لفكرة التمثيل دون لمس قالت:  مش مع قصة أقول أه ولا ؟ أنت جاي تعمل فيلم تشوف ورقه والمخرج عاوز يوصل فيه إيه ؟  وبعدين هيا فين السينما دلوقتي ؟!.

كشفت الفنانة عايدة رياض عن أسباب قبولها الزواج من المطرب الراحل محرم فؤاد رغم فارق السن بينهما  قائلة : " ساعة ماوافقت عليه كنت في الوقت ده مرتبطة بحد تان  وكان فيه مشاكل تتعلق بإختلاف الاديان فحبيت أغيظه".

وتابعت قائلة: "حبيت أغيظه وكنت صغيرة وعندي 19 سنة فتزوجته" ، متابعه " عملت خطوبة عشان أغيظ بس مشي الموضوع ومعرفتش أفلصفص واستمرت زيجتنا 12 عاماً وهي أطول زيجة له".

وأوضحت أن سبب طلاقها  أنها رغبت في العودة للعمل قائلة : وعدني في الأول أني همثل وبعد كده قالي لا ومش عاوزني أشتغل وأنا مخلفتش وقاعدة في البيت زهقت وأنا واخدة على الحركة وبلعب " جمباز " وبرقص وفرقة ومسرح .. قعدت بعد الزواج 8 سنوات في البيت وبعدين رجعت الشغل بأعجوبة وبعدين حصل الطلاق لانه خيرني بينه وبين الشغل".

وقالت "رياض"، إن زوجها السابق كان غيورا للغاية لدرجة أنه اعتدى عليها بالضرب، معقبة:" مشوفتش ضرب كده"، وتابعت الفنانة عايدة رياض، أنه كان يمنعها من حضور الحفلات بسبب آثار الضرب على وجهها.