ياسمين عز تعتذر عن تصريحاتها: "مافيش حد سوي بيوافق على العنف"
السبت 19/فبراير/2022 - 07:32 م
اعتذرت الإعلامية ياسمين عز، عن تصريحاتها في حلقة أمس الجمعة، بشأن واقعة ضرب "عروسة الإسماعيلية"
.
وقالت ياسمين عز، فى بداية حلقة برنامجها "كلام الناس "المذاع عبر mbc مصر: "أعتذر بشكل واضح عن أي حاجة قولتها، وأنا أسأت التعبير فيما أقصد، وكان قصدي أنهم طالما اتصالحوا يبقا هما حرين ودي حاجة بينهم، ولكن أنا طبعًا ضد الإهانة، لا يمكن التسامح مع أي رجل يضرب زوجته، والبرنامج له مواقف صريحة في قضية العنف ضد المرأة".
وقالت ياسمين عز" أكتر من بنت طلبت مني المساعدة بسبب العنف ولبينا طلبها في البرنامج، ومنها الفتاة اللي طلقها زوجها غيابي واستضفناها، وأنا دايمًا بساعد الستات، ومفيش إنسان سوي بيوافق على العنف، وأي رجل مش مسموح له وغير مقبول أنه يعتدي على أي امرأة بسبب القرابة أو الزواج، وأكرر الاعتذار تاني".
