مرتضى منصور لجماهير الزمالك: "اتحملوا هذا العام يا هنتركب 100 سنة جاية"
الخميس 07/أبريل/2022 - 12:32 ص
تحدث مرتضى منصور رئيس نادي الزمالك، حول بعض اللاعبين الذين لم يواجدوا خلال مباراة بيراميدز، وتم إستبعادهم من قائمة اللقاء.
- تصريحات مرتضى منصور
وقال مرتضى منصور خلال فيديو نشره على صفحته الرسمية: " بقول لجمهور الزمالك يا تتحملوا الفريق هذا العام يا الزمالك يتركب 100 سنة جاية، اللجنة عملت كارثة وفتنة في الفريق".
وأكمل: " لاعب كان بياخد 720 الف جنية دلوقتي بقى بياخد 22 مليون ومش عايز ينزل التمرين، وفي لاعب لف كل أندية مصر وكان بيتحايل عليا عشان يرجع دلوقتي بيتمرد ويقول مش هلعب أنا مصاب".
مرتضى منصور يهاجم بعض لاعبي الزمالك
وأضاف: " محدش هيلوي دراع مرتضى اللي هو نادي الزمالك، لما عيل ياخد 22 مليون ونص من الزمالك وواحد تاني مليون كدا مافيش عدل واللاعيبة مش هتحب بعض، عشان كدا ربنا مش هيوفقنا".
وزاد: " فيريرا مستبعدش حد، كل واحد فيهم بيقول الضمة والشد الكلام دا مش عندنا هنا، وأنا هكشف كل واحد عمل مؤامرة".
وأردف: " الزمالك فيه فلوس كتير، وبنطلع مكافأت كبيرة للاعيبة اليد والسلة والطائرة، بس مش هنطلع فلوس للاعيبة طالعة من أفريقيا بفضيحة".
