أمير مرتضى: استبعاد زيزو أمام بيراميدز وجهة نظر فيريرا الفنية
الخميس 07/أبريل/2022 - 02:07 ص
تحدث أمير مرتضى منصور المشرف العام على كرة القدم بنادي الزمالك، عقب فوز الفريق على بيراميدز بنتيجة 3/2، ضمن مباريات الأسبوع الثاني عشر من الدوري المصري الممتاز.
وقال أمير مرتضى في تصريحات تليفزيونية: "استبعاد أحمد سيد زيزو استبعاد فني من مستر فيريرا، ومش حابب اتكلم كتير في القصة دي في الإعلام، هنتكلم في الوقت المناسب وهنوضح كل حاجة".
وأضاف: " بن شرقي في الأول و في الاخر لاعب محترف، ومكمل معانا لحد نهاية عقدة ودا أسمع احتراف".
وأكمل: "تواصلنا مع المحامي الخاص بقضية كهربا و شاغلين في إجراءات تنفيذ العقوبة، عشان لازم الزمالك ياخد حقه ولن نترك حقنا"
وأردف: "شغالين علي قضايا الفيفا ووصلنا لحل مع أنديةة كثيرة، وفي قضية اخري وصلنا فيها لتسوية الأمر، ومافيش عقوبات بمبالغ غريبة زي لما كان بيتقال السنة اللي فاتت".
- تصريحات مرتضى منصور
وقال مرتضى منصور خلال فيديو نشره على صفحته الرسمية: " بقول لجمهور الزمالك يا تتحملوا الفريق هذا العام يا الزمالك يتركب 100 سنة جاية، اللجنة عملت كارثة وفتنة في الفريق".
وأكمل: " لاعب كان بياخد 720 الف جنية دلوقتي بقى بياخد 22 مليون ومش عايز ينزل التمرين، وفي لاعب لف كل أندية مصر وكان بيتحايل عليا عشان يرجع دلوقتي بيتمرد ويقول مش هلعب أنا مصاب".
مرتضى منصور يهاجم بعض لاعبي الزمالك
وأضاف: " محدش هيلوي دراع مرتضى اللي هو نادي الزمالك، لما عيل ياخد 22 مليون ونص من الزمالك وواحد تاني مليون كدا مافيش عدل واللاعيبة مش هتحب بعض، عشان كدا ربنا مش هيوفقنا".
