سليمان عيد: "مكنتش مصدق اني هشوف سمير غانم.. ودوري اتشال في الطريق إلى إيلات"
الخميس 21/أبريل/2022 - 12:11 م
قال الفنان سليمان عيد، "بدايتي كانت في مسرح كلية تجارة جامعة القاهرة، وعملت مسرحية في الجامعة اسمها جمهورية فرحات تأليف دكتور يوسف إدريس، وإخراج زميل ليا أسمه وائل زكريا، وفي تانية جامعة عملت مسرحية أيضا كلام فارغ مع شاكر خضير"، جاء ذلك خلال حواره لبرنامج "ع اللوكيشن" مع شريف الليثي علي راديو هيتس.
وأضاف "شاكر خضير طلب مني اروحله مسرح باب اللوق"علشان يستفيد من الإفيهات بتاعتي، وماكنتش مصدق إني هشوف سمير غانم، وشاكر خضير من أكتر الناس اللي دعمتني وخلاني أشوف سمير غانم، وحس إن الضحك والإفيهات علاج للناس .
وتابع عملت أكتر من 98 فيلم، و250 مسلسل ، و115 مسرحية، أما أول نقطة تحول في حياتي كان فيلم "جاءنا البيان التالي"، و النقلة التانية في حياتي كانت في فيلم " عسكر في المعسكر "، وعملت 40 مشهد في فيلم "جواز بقرار جمهوري" .
وبالنسبة لأول فرصة في حياتي كانت في فيلم "الطريق إلي إيلات" وضحيت بمسرحية "جوز ولوز" علشان الفيلم وفي النهاية دوري اتشال، واختتم قائلا "مبنساش أيام المعهد كنت ساكن مع علاء مرسي، وكان بيدفع 10 جنيه وأنا 7 جنيه وكنا مبسوطين جداً".
