سمير كمونة: قرار متسرع من إدارة الأهلي بإستقدام حكام أجانب

تحدث سمير كمونة نجم النادي الأهلي السابق، حول طلب إدارة القلعة الحمراء لإسناد لقائات الفريق المقبله في الدوري المصري لحكام أجانب.

وقال في تصريحات تليفزيونية ببرنامج "البريمو" على قناة تان: "مش مستاهلة وقرار متسرع من الإدارة، عندي تحفظ على قرار الأهلي أنهم عايزين حكام أجانب، وممكن توقيت أنهم يبعته عايزين حكام من بلاد معينه مش هيبقوا متاحين في الوقت دا".

وأضاف: "إدارة الأهلي بتقول أننا اتظلمنا ولينا فولات وضربات جزاء ومخدناش حقنا، بس أنا شايف أن  مافيش أخطاء تحكيمية قاتلة غيرت نتيجة أي مباراة".

وأكمل: " الأهلي  طلب حكام اجانب في مبارتين مش مستاهلين، أنت طبيعي بالإمكانيات بتاعتك تكسبهم، وممكن يحصل العكس وكل حاجة في الكرة واردة".

وأردف: " الأهلي ممكن يستعين بحكام أجانب أمام فرق المقدمة زي الزمالك أو بيراميدز، لكن فرق منتصف الجدول الموضوع هيبقى صعب".

وأختتم قائلاً: " النادي الأهلي بيحاول بكل الطرق أنه ميخسرش الدوري زي العام الماضي، والنادي الأهلي مش محتاج حكام أجانب".