"غلطان ومكنش ينفع أعمل كده".. زوج البلوجر أحلام عادل يوجه رسالة لها

وقال زوج أحلام عادل ،" أنا أول مرة أعمل فيديو وفعلا اتخانقت معاها وزقتها واحنا فى العمرة بس لما رجعنا صالحتها وكنا كويسين .. أتمنى انها ماتزعلش منى والدنيا تروق وهنروح لحد متخصص علشان نعرف نتعامل إزاى مع بعض ودى أول سنة جواز فا بيبقا فى طباع وعيلتين بيتعرفوا على بعض ".

أثارت البلوجر أحلام عادل الجدل وتصدرت التريند بعد إعلانها انفصالها عن زوجها مصمم الأزياء أحمد العجمى بعد شهرين من زواجهم وذلك بسبب "مصليات" هدايا" جلبتها لزمايلها الولاد والبنات أثناء أدائها العمرة.

وكتبت أحلام عادل بعد طلاقها:" أنا رجعت من العمرة مضروبة ومطلقة عشان جبت مصليات لزمايلي الولاد والبنات..ملحوظة كانت مصلية مش أزازة خمرة".

هذه ليست المرة الأولى التى تتصدر فيها أحلام عادل التريند وتصدرته من قبل عندما فسخت خطوبتها الأولى من الإنفلونسر محمد الشورى بعد ساعات من قراءة الفاتحة ثم أعلنت خطوبتها للمرة الثانية بعد فسخ الخطوبة الأولى من مصمم الأزياء أحمد العجمى وبعد زواجهم أعلنت طلاقها بعد شهرين من زواجها بسبب" المصليات" ، واتهمت زوجها بضربها بسبب شراءها مصليات لزمايلها الولاد والبنات.