فائز بحج القرعة: ماصدقتش نفسي لما سمعت إسمي وكنت خايف ربنا مايختارنيش السنة دي (فيديو)

شهدت قاعة مركز التطوير التكنولوجي، بمدينة كفر الشيخ، اليوم السبت، إجراء القرعة العلنية للحج التابعة لوزارة الداخلية، بحضور اللواء أشرف صلاح درويش، مساعد وزير الداخلية، مدير أمن كفر الشيخ، ومفتش وزارة الداخلية، واللواء أيمن البكري، مساعد مدير الأمن للشؤون الإدارية، وعدد من القيادات الأمنية بمديرية أمن كفر الشيخ.

وأجرى "مصر تايمز" بثًا مباشرًا مع أحد الفائزين بقرعة الحج التابعة لوزارة الداخلية، وقال إنها ليست المرة الأولى له التي يتقدم فيها لقرعة الحج التابعة لوزارة الداخلية، فقد قام بالتقديم السنة قبل الماضية، ولكن لم يحالفه الحظ نظرًا لانتشار فيروس كورونا، وتطبيق الغلق التام في كل دول العالم.

وأضاف الشوادفي محمد عبدالحميد، وعيناه مليئة بدموع الفرح:" أول ما شوفت إسمي على الشاشة ماصدقتش نفسي إني من الفايزين وهروح أحج، ولقيت نفسي لا إراديًا بقول بصوت عالي الله أكبر، الله أكبر، لبيك اللهم لبيك"، وعن سؤاله عن شعوره تجاه فوزه في قرعه الحج قال: " ده شعور مايتوصفش، ربنا اختارني عشان ألبي نداؤه، وإمبارح كنت متوتر ومش عارف أنام من كتر التفكير في القرعة، وحاولت أتأخر في وصولي للقاعة علشان كنت خايف إسمي مايطلعش من بين الفايزين".

وتابع: " أنا أصريت إني أقدم في حج القرعة بالذات، علشان يبقى اختيار من دون تدخل أي بشر، علشان لو ربنا عايزني أحج هيختارني، ولو ماليش نصيب يبقى مش هفوز في القرعة، ودي كدة المرة التاسعة ليا اللي أقدم فيها، وربنا اختارني السنة دي الحمدلله".