مأساة إنسانية.. مطلقة تستغيث بالمسئولين لإنقاذها من الشارع.. تعول 5 أولاد والبنك يطالبها بـ 132 ألف جنيه للحصول شقة تابعة لوزارة التضامن (فيديو)

السيدة مايسة فرج، إبنة محافظة كفرالشيخ، البالغة من العمر 52 عامًا، هي سيدة مطلقة منذ 12 عامًا، وحتى تلك اللحظة لم تفكر في نفسها قط، وكل ما يشغل بالها هو كيفية توفير جميع سبل الراحة لأولادها الـ5 حتى لا يشعروا بغياب الأب بعد الطلاق، فقامت بتقديم طلب للحصول على شقة سكنية تابعة لوزارة التضامن الإجتماعي منذ عام 2019، ولم تحصل عليها حتى الآن.

وروت السيدة مايسة مأساتها لكامير "مصر تايمز" خلال البث المباشر: " أنا دلوقتي ساكنة في شقة إيجار، أول ما سكنت  فيها كانت بـ 200 جنيه ودلوقتي بقت بـ 900 جنيه وصاحب الشقة عايز ١٠% زيادة كل سنة، طب أنا أجيب منين، وقدمت على شقة من 2019 والدولة مشكورة حطتني (حالات عاجلة ملحة) وعملتلي دعم، روحت للبنك الأهلي وبنك الإسكان والتعمير، الشقة عندهم من 2020 وبيقولولي احنا بعتنالك، وأنا ماوصلنيش حاجة منهم خالص، قولت لبنك الإسكان والتعمير ماوصلنيش حاجة قالولي روحي حولي للبنك الأهلي، روحت للبنك الأهلي ولفيت كتير، قالولي السن لا يسمح لانك اكبر من 54 سنة، وانا ماكملتش 52 سنة، لجأتلهم تاني قالولي ماوصلناش لحاجة، وفي ناس ربنا يكرمهم قالولي روحي كملي إجراءات شقتك في بنك الإسكان والتعمير، لقيتهم بيقولولي احنا عايز مقدم 132 ألف جنيه".

واستكملت السيدة حديثها لكاميرا "مصر تايمز" وهي باكية قائلة: " أنا لو معايا 132 ألف جنيه ما أنا كنت جبت شقة، وانا تعبت ولفيت في البنوك كتير ومش عارفة اعمل ايه، الدولة دعمتني وعملتني حالات عاجلة ملحة، والبنوك مش عايزة تديني الشقة، انا لما عرفت ان البنك عايز مني 132 ألف جنيه قعدت اضحك من كتر الصدمة ".

وطالبت السيدة بمد يد العون لها: " انا بطلب من المسؤولين إنهم يساعدوني، وبناشد الريس اللي عملنا حياة كريمة، بقوله يا ريس انت عملتلنا حياة كريمة للمطلقات والأرامل يا ريس انا مش عارفة اخد حقي والم عيالي واقعد في شقة، ياريس انا كل اللي عايزاه ٤ حيطان بس وحضرتك عملتلي فعلاً بس البنوك اللي مش عايزة تديني، انا مش عارفة اعمل ايه، اجيب 132 ألف جنيه منين؟ انا من ٢٠١٩ وانا بجري في الموضوع وكبرت طب هعمل ايه هوقف الزمن؟ انا تعبت وبلجأ للمسؤولين والسيد المبجل رئيس الجمهورية يا ريس انت اكرمتنا في عهدك واكرمت المرأة المعيلة".