مدخلتش عليها واللي معاه ده مش ابني.. هيثم من ذوى الهمم مراته طفشت بعد 3 أيام من الزواج وظهرت بعد سنة بولد منه (فيديو)

تزوج "هيثم" إبن محافظة الإسكندرية من فتاة، وبعد مرور 3 أيام على الزفاف، تهرب زوجة هيثم وتختفي تمامًا، ثم تظهر مجددًا بعد مرور عام بطفلة مدعية أنها إبنته، مطالبة إياه بنفقة الطفلة، وعلى الجانب الآخر ينفي "هيثم" نسب الطفلة له، وتروي والدة "هيثم" التفاصيل لكاميرا "مصر تايمز" خلال البث المباشر.

وقالت والدة "هيثم" لـ "مصر تايمز" خلال البث المباشر: " إحنا مانعرفهاش، أنا اتعرفت على واحدة في الجامع وحكيتلها ظرف هيثم فقالتلي ماتقلقيش أنا هجوزهولك وجابتلنا البنت دي، واكتشفنا انها قريبتها وكانوا بيدوروا على أي حد يشيل الليلة بتاعت البنت، والخطوبة ماطولتش كانت شهر واتجوزوا بعدها على طول، وكل ما كان يقربلها كانت بتبعده عنها وتصوت، وكانت دايما بتكلم مامتها في التليفون وهيثم سمعها مرة وهي بتقول لمامتها أنا شغالة على الصويت فمامتها قالتلها هو ده هدفنا استمري في الصويت علشان يبعد عنك، وكانت بتاخد أدوية كتير ولما سألناها قالت دي أدوية أنيميا ولكن اكتشفنا إنها أدوية  للغدة الدرقية والغدة النخامية والهرمونات، والخلل ده هو اللي مخليها عصبية".

وتابعت: " بعد ما عدى 3 أيام كلمنا أبوها وقولناله تعالى شوف بنتك دي كدة فيها حاجة لإنها دايما عصبية وبتصوت، وقبل ما والدها ييجي البنت اعترفتلي إنها كانت مخطوبة لواحد واعتدى عليها وهرب، وقولت لوالدها ناخدها للدكتور وهو اللي يحكم بيننا، واحنا في الطريق قال البنت مش بكر وأعلى ما في خيلكوا اركبوه وأنا هبيعكوا هدومكوا، وأخدها ومشي، ومن ساعتها مانعرفش عنهم حاجة".

وعن الحكم بالنفقة قالت والدة "هيثم": " بعد ما عدى سنة فجأة جالنا حكم غيابي بالنفقة على طفلة وبيتسحب من مرتب هيثم فلوس النفقة، واحنا اكتشفنا إنها شايلة الرحم قبل الجواز طب ازاي خلفت؟"، وتستغيث السيدة قائلة: " أنا ست كبيرة وبعاني من أمراض كتير ومش حمل البهدلة دي كلها وإبني من ذوي الهمم لما بيدخل المحكمة نفسيته بتتعب جدا، وكل اللي نفسي فيه إننا نثبت الحقيقة البنت دي مش بنته ومانعرفش عنها حاجة."