أحمد موسى: محتاج مسئول يقول طريق الساحل الشمالي صح ولا غلط

قال الإعلامي أحمد موسى، إنه تلقى عدة فيديوهات من مواطنين يسافرون على طريق الساحل الشمالي، لافتًا إلى أنه يبدو أن هناك مشكلة في هذا الطريق.

وأضاف موسى، خلال تقديم برنامج «على مسئوليتي» المذاع عبر قناة «صدى البلد»، أنه لا يعمل مهندسًا أو مصممًا أو خبيرًا في الطرق، مستطردًا: «يبدو أن هناك مخاوف من بعض الناس من هذا الطريق، ومحتاج مسؤول يقولي الطريق ده معمول صح وإلا غلط؟!».

وتابع أحمد موسى، أنه يريد تصريحًا من مسؤول يكشف حقيقة هذا الأمر؛ سواء أكان هذا الطريق لا يوجد به مشكلات، أو به بعض المشاكل التي تحتاج للإصلاح، مضيفًا: «ده كان طريق ضلمة ورعب؛ كان طريق الموت، وياما قلنا الحقوا»، مشيرًا إلى أن الطرق الجديدة توفر الجهد والمال والبنزين على المواطن.

وأوضح الإعلامي أحمد موسى، أنه يبدو أن هناك مشكلة في طريق الساحل، مستطردًا: «الطريق بقى متشقلب وداخل في بعضه؛ أنا لسه مرحتش الساحل، وعاوز مسؤول يطلع يقول للناس الطريق ده أحسن طريق وانتوا متعرفوش حاجة عن الطرق؛ ولو فيه غلط نقول للناس فيه مشكلة».

وأشار موسى إلى أن هذا الطريق يتسبب في حدوث مشكلة؛ متابعًا: «علشان تدخل قرية سياحية أو تخرج منها؛ لازم تغلط يا إما تطلع طريق عكسي أو مجبر تمشي طريق رايح جاي بدون فواصل، ولغوا اليوتيرن؛ فمحتاج تمشي 4 أو 5 كيلو علشان تلاقي كوبري».

وأكد أحمد موسى، أن هذا الطريق يحتاج خريطة سير من أجل الوصول للوجهات المقصودة، متابعًا: «عملنا 6 آلاف كيلو طرق محدش اشتكى منها؛ ولما ناس كتير يتكلموا ويبعتوا يبقى فيه مشكلة بجد؛ وكل اللي درسته في حياتي إعلام وصحافة وسياسة؛ وعمري ما درست هندسة؛ مكنتش بحب الهندسة والعلوم علشان كدة دخلت أدبي».

https://www.youtube.com/watch?v=AiTp0rdGJMA