هنادي مهنا: وزني زاد في مصر بسبب الدلع والمسقعة والمحشي

كشفت الفنانة هنادي مهنا، سر رشاقتها  وخسارتها لوزنها قائلة، كلنا بنروح  في فترات إكتئاب أو ضغط وزنه بيزيد مش بيعرف ياخد باله من نفسه أو بتخليه ياكل  كتير وأنا في أسبانيا  كنت متعودة وأنا عايشة في أسبانيا وقت الجامعة كنت بتحرك كتير أوي ومكنش فيه حد بيطبخ فكنت رشيقة.

هنادي مهنا: وزني زاد في مصر بسبب الدلع والمسقعة والمحشي

وأضافت مهنا خلال لقاء خلال " برنامج " كلمة أخيرة  " الذي تقدمه الاعلامية لميس الحديدي على شاشة  ON":لما جيت مصر كان فيه دلع كتير أوي  محشي وحمام ومسقعة ودي حاجات ماينفعش تتساب وماتتكلش.

وأكملت: كنت بدرس في أسبانيا   في مجال هندسة الصوت في مجال الموسيقى لاني  كنت بحب المزيكا أوي  وكان حلمي  أني أغني قبل التمثيل   وإكتسبت ده من الجينات من أبويا.

وواصلت: لما جيت مصر إشتغلت مدرسة   ودرست كذا حاجة وكنت فاتحة شركة مع بابا وأنا بحب أشتغل من صغري  حتى في الصيف من صغري ومش بحب أقعد في البيت ومش بعرف أقعد في البيت.

إستطردت: لما إشتغلت ممثلة مكنتش مستوعبة طبيعة الشغلانىة وأن الشغل موسمي ممكن يبقى مكثف  شهرين متتالين ثم شهرين  أخرين قاعدين في البيت مش بنعمل حاجة ودي كانت حاجة بالنسبة لي كان إحساس غريب وكنت بقول فيه حاجة غلط لاني متعودة على الشغل اليومي وأني أنام  وأصحى عشان ورايا شغل.

وأكملت: رغم كده وأول  مامثلت الدنيا مامشيتش أوي  فضلت سنتين  أشتغل ومافيش حاجة تتذاع  لحد أول عمل وهو افراح إبليس الي لسه معروض قريب رغم الانتهاء من تصويره منذ فترة طويلة وعملت كمان فيلم ووقف كل ده سببلي في فترة من الفترات عملي إكتئاب وكنت قاعدة في البيت  فقعدت أكل، مشيرة الي أن جمهور السوشيال ميديا وقتها إنتقدها وكان حقهم قائلة الاعمال الي كنت بصورها ومش بتنزل كنت بحط فيديوهات من الكواليس  على إنستجرام  والناس تقلي فين الاعمال إنتي بتصوري لنفسك ولا إيه.

وأضافت: أنا في الاساس شكلي  كان زي الان بعد فقد الوزن لكن الفترة دي  كانت سبب في زيادة وزني حينها.