السيسي: التلفزيون تحول لمطبخ "هو إحنا منتظرين حد يعلمنا ناكل"
أشاد الرئيس عبد الفتاح السيسي، اليوم الأربعاء ببرنامج "العباقرة" الذى يعرض على إحدى القنوات، مؤكدا أنه استطاع أن يلقى الضوء على أمور معينة.
السيسي: التلفزيون تحول لمطبخ "هو إحنا منتظرين حد يعلمنا ناكل"
وقال الرئيس السيسي خلال افتتاح عدد من مشروعات مصر الرقمية: "كل التلفزيون المصرى والقنوات الخاصة أصبحت مهتمة بالمطابخ، والشيف، حد يعملى برنامج كل يوم يتحدث عن العباقرة، هو احنا منتظرين حد يعلمنا ناكل".
وتابع الرئيس السيسي خلال افتتاح عدد من المشروعات الرقمية: "بشوف مثلا بنبقا أحيانا مقصرين في الإعلان مش الدعاية.. ولكن إزاى أسوق الكلام المهم للدولة، شوفت مثلا برنامج إسمه "الدوم".. لما البرنامج اشتغل اده فرصة كبيرة لمهارات شباب وشابات مصر في كل مناحى مصر.. أتاحنا لهم منصة.. والكلام ده أتاح شكل من اشكال التسويق للفكرة".
وأضاف الرئيس السيسي: "مقدرش أعمل برنامج زى ده للموضوع ده، مجبش الولاد والشباب والبنات اللى تميزوا في هذا الأمر، والقي الضوء عليهم علشان أخلى النشء اللى طالع يبقا عنده الحلم ده.. المقارنة دايما بتبين حالة المستوى".
وتابع الرئيس السيسي: “كل ما ادور التليفزيون ألاقي المطبخ.. انا مش ضد.. هاتوا حاجة كده وحاجة كده.. علشان ننقل ونقدر نغير الثقافة للمواطنين.. احنا بنتكلم كده وقعدنا ولسه هنتكلم تاني.. علشان لازم نغير الواقع اللى احنا فيه”.
وشهد الرئيس، إطلاق منصة مصر الرقمية، وكذلك افتتاح عدد من المشروعات عبر الفيديو كونفرانس، مثل محطات إنزال الكابلات البحرية فى "رأس غارب، والزعفرانة، وسيدى كرير، فضلا عن افتتاح مركز البيانات الدولى بالقاهرة، ومدارس المصرية للاتصالات للتكنولوجيا التطبيقية، ومراكز إبداع مصر الرقمية، وتطوير متحف البريد المصرى".
