شقيق ضحية التعدي بالضرب من جيرانه بدمياط: "ضربوه لحد ما كسروا جمجمته"
كشف الشاب “محمد” شقيق الطالب “خالد” ضحية التعدي بالضرب من شخصان جيرانه في دمياط، عن سبب خلاف شقيقه مع جيرانه والذي تطور لضرب شقيقه بسلاح أبيض “سكنية” في رأسه مما أدى لإصابته بنزيف في المخ وكسر بالجمجمة وأخر قام بالتعدي عليه بالضرب بـ"شومه" حيث سدد له عدة ضربات في صدره مماأدي لإصابته بنزيف في الرئه.
شقيق ضحية التعدي بالضرب من جيرانه بدمياط: "ضربوه لحد ما كسروا جمجمته"
وقال محمد: " هما اتنين جيرانا هنا في المنطقة ودايمًا بيعملوا مشاكل مع أخويا خالد.. أنا أخويا فاتح السايبر دا عشان يعرف يجيب فلوس ويصرف على كليته ونفسه ".
وتابع: " أخويا طالب في معهد راس البر العالي دراسات نوعيه وحاسب آلي عنده 19 سنة في سنه أولي.. والناس كلها بتحبه هنا في المنطقة.. وأول يوم العيد شاب منهم بعت أخوه الصغير يشتم أخويا ومش كدا وبس لأ دا دخل بعربيته في تلاجة الحاجة الساقعة اللى أخويا حاططها قدام السايبر ولما والدي بيكلمه قام بسبه وقاله أنا حر إذا كان عاجبك".
وكان قد تداول رواد موقع التواصل الإجتماعي "فيس بوك"، منشور لشاب يدعي “محمد” يفيد فيه بتعرض شقيقه خالد البالغ من العمر 19 عامًا للاعتداء من جيرانه بسلاح أبيض "سكين" حيث قاموا بضربه في رأسه بالسكينة مما أدي لإصابته بنزيف في المخ وكسر في الجمجمة، وقام أخر بضربه بـ"شومه" على صدره أدت لوجود نزيف على الرئه .
وكتب "محمد" : "ده خالد أخويا طالب في معهد رأس البر العالي دراسات نوعيه وحاسب آلي عنده 19 سنة في سنه أولي ناس جيرنا ضربوه بسلاح ابيض في دماغه وصدره وحصله كسر بالجمجمة ونزيف في المخ ونزيف علي الرئه وحالته صعبة جدًا ".
وتابع: " السبب اللى ورا الخلاف هو أنه فاتح سايبر بيسترزق منه وجايب فيه كام كرتونة شيبسي علي كام علبة بسكوت والراجل المحترم جارنا ربنا ينتقم منه مش عاجبه أنه حاطط الحاجة علي رصيف السايبر وجر شكله وشتمه أكتر من مره وكسر كراسي المحل".
واختتم:" أنا وأخويا كنا موجودين والناس المحترمين دول هما 2 أخوات واحد منهم جاب سكينة وضربها في رأس أخويا ودي سببتله كسر في الجمجمة ونزيف والثاني جاب شومه وخبطه في صدره وعمله نزيف علي الرئه هو حاليًا حالته خطر ومحجوز في المستشفى وبطلب من الكل يدعوله بظهر الغيب ولو حد يعرف يجبلنا حقنا".
