موته عشان لعب كورة قدام بيته.. والدة الطفل “جلال”: مش مروحه بيتي إلا بحق ابني (فيديو)

كشفت السيدة مها صلاح سليمان والدة الطفل جلال صاحب الـ 14 عاما، على يده جاره صاحب الـ 38 عاما بسبب لعبه أمام منزله، تفاصيل الواقعة، مشيرة إلى أنها اشترت طعاما لأبنائها قبل أن تذهب إلى العمل، وطلبت من ابنتها أن تنادي على أخيها من أجل تناول الطعام.

وأضافت "مها"؛ خلال حوارها مع "مصر تايمز": "بعد ما أكلت ومنتظرة يجي، لقيت عيال بينادوا عليا يا خلتي أم جلال، قالوا جلال أخوكم مغمي عليه في الشارع والناس متجمعه عليه مش عارفين فيه ايه، رحت لقيت مرمي تحت رجل أبو الواد اللي موت ابني، بقوله يابني مالك فيك ايه لقيت ايديه باردة وجسمة أزرق".

وتابعت: "بقلوله يابني حد ضربك حد كلمك، عماله أصوت وأعيط، الراجل قال ارحمي نفسك بتصوتي على ابنك ليه، أنا شغاله في مستشفى وعارفه الميت من غيره، بتاع التوك توك شد الراجل اللي كان واقف وخده معانا".

وأردفت: "قولت للراجل لو ابني جرى له حاجة ابني قصاد ابنك، أنا عارفه إن ابني ميت، خدوه في المستشفى وحالوا يعملوا اللازم، وبعدين قالوا البقاء لله، أنا عاوزه حق ابني، انا مش عاوزه حاجة في الدنيا غير حق ابني".