أندرو محسن: فيلم بحبك حقق إيرادات جيدة في الخارج
أثارت فيلم "بحبك " لتامر حسني جدل كبير حول إيرادات الخاصة بالفيلم وأشار الناقد أندرو محسن أن إيرادات تامر حسني التي ينشرها غير صحيحة.
وكتب الناقد الفني أندرو محسن على موقع التواصل الإجتماعي “الفيسبوك” علق قائلاً:"فيه حاجه كويسه الصراحة في الأرقام القياسية اللي بينزلها تامر على صفحته، الأرقام اللي ملهاش مصادر حقيقية وواضحة للأسف غير صفحته وتقارير قليلة جدًا".
وتابع :"الحاجه الكويسه هي إنه بيعتمد على إيرادات التوزيع الخارجي عشان يقول إنه جايب إيرادات أعلى، ودي حاجه للأسف معندناش رصد حقيقي ليها في الأفلام المصرية. التوزيع الخارجي، تحديدًا في دول الخليج، مهم من زمان وبيحقق إيرادات كويسه للأفلام، لكنه زاد بشكل أكبر بكتير مع افتتاح دور السينما في السعودية ، اللي هي بقت بتحقق أحيانًا إيرادات أعلى بما لا يقارن بالإيرادات داخل مصر".
وأوضح أندرو محسن:" وده لأسباب كتير ممكن الكلام عنها لاحقًا بس هي بالتأكيد بقت مصدر دخل مهم جدًا للأفلام المصرية مع وجود إنتاج ضخم مؤخرًا في بعض الأفلام، ضخم بمقاييس السينما المصرية، زي كيرة والجن مثلًا، فكرة الاعتماد على الإيرادات من شباك التذاكر المصري وحده أصلا مش منطقية ".
وأضاف:" أغلبنا بيعتمد على الإيرادات اللي بيذكرها موقع السينما دوت كوم للأفلام المصرية داخل مصر، لكن المشكلة إننا لحد دلوقتي معندناش مصدر رسمي للإيرادات في السعودية أو في دول الخليج عمومًا".
واختتم:"لحد ما يظهر عندنا بيانات معتمدة لشباك التذاكر في الدول دي، هيقدر أي حد يقول إنه بيحطم الأرقام القياسية، قياسية بناءً على أي قياس؟ ماحدش عارف بقى".
أبطال فيلم بحبك
يشارك في بطولة فيلم “بحبك” عدد من الفنانين منهم تامر حسني وهو أول إخراج سينمائي له، تأليف تامر حسني أيضا، وهنا الزاهد، هدى المفتي، حمدي المرغني، علية الراشد، وعدد من الفنانين الآخرين.
