"مش عايز يشتريلي تكييف".. سيدة تقيم دعوى خلع ضد زوجها بمحكمة الأسرة
أقامت زوجة تدعي "ياسمين" دعوي خلع ضد زوجها "أحمد" أمام محكمة الأسرة بإمبابة مطالبة فيها بالتفريق بينها وبين زوجها لاستحالة العيشة معه، بسبب بخله الشديد وغيرته التى ليس لها حدود .
"مش عايز يشتريلي تكييف".. سيدة تقيم دعوى خلع ضد زوجها بمحكمة الأسرة
وقالت الزوجة أمام قاضى محكمة الأسرة أنها تزوجت منذ عام وأنها تحب زوجها جدًا وتعرفت عليه بالجامعة وقررا الارتباط وبعد عامين من الخطوبة تم زواجهما ولكن بعد الزواج ظهرت لها عدة عيوب لم تستطيع تحملها : " بعد الجواز اكشتفت أنه بخيل جدا ومش بيرضي يطلع مليم واحد غير لما يعرف رايح على أيى وبيطلع الفلوس بالضالين ودي مش عيشة".
وتابعت: "الشقة عندنا حر جدا فقولتله نشتري تكييف وهو رفض وقالى هجيب مروحة صغيرة وبعد ماجابها برضه الجو حر ومش مغطية البيت كله".
وأضافت: "قولت هشتري أنا من مصروف البيت وحوشت واتصلت بالشركة وجبت تكييف وبعد لما المندوب جيه وبحاسبه هزقني قدام الراجل وقام باهانتي ولكني برضه دفعت واستلمت التكييف".
واختتمت الزوجة في دعواها: "أنا حاولت ألطف الدنيا بينا لكن هو كسر التكيف اللي اشتريته من مصروف البيت وعاند معايا وأنا مبقتش قادرة أكمل خلاص عشان كدا لجأت لمحكمة الأسرة بإمبابة وأقمت دعوى خلع ضده ".
