ماتسمحش لحد يقولك كده.. ويجز يلغي أحد شروط حفله المقبل بالأردن

وجه مطرب الراب ويجز رسالة لجمهوره، قبل الحفل الغنائي الذي يحييه في الأردن يوم الجمعة 2 سبتمبر المقبل.

ونشر ويجز عبر حسابه بموقع التواصل الاجتماعي “إنستجرام” مقطع فيديو قائلا: "بخصوص حفل الأردن، في حد قرر يطلع يقول إني عايز الناس كلها تلبس أبيض، لأ عادي يا جماعة، ممكن الناس كلها تلبس أحمر أو أزرق أو أخضر، أي لون إنت عايزه، طالما مش هيوجع عينينا، وطالما مش فسفوري، لإن مفيش حد ينفع يلبس فسفوري".

وأضاف ويجز: "ياريت كل واحد يلبس حاجة تعبر عن شخصيته، ماتسمحش لحد يقول لك تلبس إيه وماتلبسش إيه، مفيش حد له الحق يقول لك تلبس إيه، إلبس واقلع اللي إنت عايزه".