"مصر تايمز" تكشف حقيقة وفاة والد عريس تعرض لسخرية المعازيم بسبب وجبات الفرح بالشرقية
نفى عدد من أهالي بلبيس بمحافظة الشرقية، حقيقة الأنباء المتداولة حول وفاة والد عريس بعد سخرية المعازيم من وجبات الفرح.
وأكد الأهالي أن الأقاويل المتداولة حول غير حقيقة وفاة والد عريس بعد سخرية المعازيم من وجبات الفرح، مشيرين إلى أنه أنها مجرد كلام كاذب متداول عبر مواقع التواصل الاجتماعي.
وكان رواد مواقع التواصل الاجتماعي تداولوا أنباء عن وفاة والد عريس بعد تعرضه للسخرية من المعازيم من وجبات الفرح في بلبيس بعد أصابته بهبوط في الدورة الدموية.
وفي وقت سابق علق الدكتور جمال شعبان عبر تدوينة على الفيس بوك على وفاة والد العريس قائلا"الزعل بيكسر القلب فعلا دي حقيقة علمية وحالات إكلينيكية واقعية بنشوفها مش كناية بلاغية ولا تعبير مجازي.. القلب اللي على اليمين في الصورة قلب مكسور شايفينه ضعيف وانكمش ازاي القلب اللي على الشمال قلب سليم شايفينه محتفظ بقوامه وشكله ووظيفته ازاي.. الزعل والصدمات العاطفية والفشل في الحب وفقدان الأحبة بيكسر القلب وممكن ينتهي بموت مفاجيء".
وأضاف:"الزعل بينشط الادرينالين والنور أدرينالين وبيحبط إفراز هورمونات السعادة زي السيروتونين ودا بيعمل زي شلل في عضلة القلب وترهل وتمدد في القلب بيبقي زي البالون".
وتابع جمال شعبان: "العلماء سموا الحالة دي متلازم القلوب المنكسرة هي منكسرة عاطفيًا وعضويًا.. علشان كدا ربنا في القرآن دايما يقول لا تحزن ويقول عن أهل الجنة لا خوف عليهم ولا هم يحزنون وأهل الجنة شكروا ربنا مش علي الجنات والأنهار والعيون والفاكهة والغلمان والحور لكن قالوا الحمد لله الذي أذهب عنا الحزن.. يعني الجنة هي عدم الحزن علشان كدا دايما أقول لكم #ما_تزعلوش".
