"ربنا كرمني ودعيت لكل حبايبي".. تامر حسني يؤدي مناسك العمرة برفقة أصدقائه
شارك الفنان تامر حسني متابعيه مجموعه من الصور عبر حسابه الشخصي بموقع "تويتر" تجمعه بأصدقائه أثناء تأديتهم مناسك العمرة.
وعلق تامر قائلآ “امبارح ربنا كرمني و عملت عُمره مع أصدقاء عمري ، و بجد من جوه قلبي دعيتلكم كتير دعا الاهل لأنكم فعلاً أهلي و أصحابي و عشرة عمري ، ربنا يحققلكم كل امنياتكم و توصلوا لكل احلامكم و ربنا يتقبل دعايا ليكم كلكم انتوا و كل الناس يارب و جمعه مباركه على الجميع ان شاء الله".
وجه الفنان تامر حسني رسالة لجمهوره عبر حساباته في مواقع التواصل الاجتماعي، شجعهم فيها على عدم الاستسلام لشعور الإحباط واليأس.
وقال ردا على منشور كان قد شارك جمهوره به " قرأت معظم التعليقات على قد ما قدرت على اخر بوست ليا اللي تحت دا ،، و فهمت اكتر حاجتين من تعليقاتهم عاملين احباط لمعظمكم اليأس من النجاحو احباط المقربين و بعضكم واصل لفقدان الامل و الشغف و بعضكم فاقد الامل في الحياه نفسها".
وتابع تامر حسني ،" هطلب طلب منكم قبل اي شيء افتكروا معاناتي في بدايتي و ظروفي الصعبه من غير اب و منغير اي فلوس و بنزل اشتغل في الشوارع من عامل بنزينه لسوبر ماركت لفاعل يعني اللي بيبنوا العمارات بطلع طوب و اسمنت عشان ارجع بيتي لامي الغلبانه بأي خمسه جنيه بالإضافه لمرتب النادي لما كنت بلعب كوره كان مرتبي 22 جنيه في الشهر منهم بقى تحويشة الميه و الكهربا و عمليات اخويا عشان كان عيان لفتره كبيره كنت بعمل المستحيل فعلاً عشان امي و اخويا و عشان اوصل لهدفي ، كان جوايا سعي دائم لطريقين الكوره و الغناء و بقول دا عشان ناس كتير عايز انصحها بالخطه البديلة".
