سرقت 2 كيلو ذهب.. زوج يكتشف خيانة زوجته وارتباطها بآخر عرفيا: عاشت معي سنة وهي خلعاني (فيديو)
استمعت "مصر تايمز" لعلي كيوان ضحية خلع وسرقة من زوجته بمحافظة الدقهلية، شاكيا من السيدة التي عاشت معه أشهر طويلة لم تكتف بالخلع بل تزوجت عرفيًا بآخر.
وقال علي كيوان: "أنا بحط فلوسي في بيتي ومأمن لزوجتي، بحوش فلوس دهب أحيانا عشان أُحسن من مستوايا مش في بالي الخيانة ولا الغدر، اتفاجئت مراتي عاوزة فلوس تطلب مني ومش بتاخد من البنك، قررت أروح البنك أسأل عن الفلوس، قالتلي المديرة زوجتك أخدت الفلوس ومشيت من أسبوع".
"مش أول مرة ننفصل"
وفجر الضحية مفاجأة كبيرة عندما قال، إنهم انفصلوا قبل سنوات بسبب خلافات مادية أيضا، وذلك بسبب طمعها الزائد في ثروته، معلقا: "انفصلنا قبل كدا بسبب استغلالها لأموالي بالاتفاق مع أخوها، رجعت من الخارج عاوز أكون أسرة بعد استعطاف ابني عشان أرجعها وافقت، أهلها فرضوا عليا أشتري شقة في المنصورة ونكتب قايمة جديدة، رجعت وبدأت أدخر فلوسي عن طريق الدهب عشان أحسن من مستوايا، محدش يعرف حاجة عن فلوسي ومعنديش شهود لأني لو معايا عشرة جنيه مش هجيب حد يشهد عليا إني معايا، لكن عيلتها عارفة الكلام دا كويس، علاقتها وحشة بأهلي وبتزعل أمي".
رجعت من السفر لقيتها متجوزة وأخدت عفش بيتي
وأضاف الزوج، أنه سافر للخارج للعمل فترة طويلة وعندما عاد لمنزله اكشتف عدم وجودها، فقام بالاتصال بها ولكنها رفضت العودة للمنزل وطلبت الطلاق، وقال: "قالت لي أنا معدتش راجعة تاني أنا رفعت عليك خلع وملكش فلوس عندي، كلمت أخوها قالي الفلوس معاها ومقدرش أحكم عليها، أخوها برضو نصاب طلب مني مبلغ كبير عشان يعمل دعاية لأنه نازل مجلس نواب، ماخدتش فلوس منه".
واستكمل: “هي طلبت الطلاق كنت هطلقها، أخدت العفش وكله الشقة على الأرض بس، قررت أمشي وراها بعد الشغل أشوفها لاحظت إن راجل منزلها من العربية، جوزها أعرفه قالتلي دا صديق العيلة عندها وموجود معانا دائما، غلطت في أسمي بتقولي يا أحمد، قابلته قولتله هو أنت اللي معصي مراتي عليا، قالي أنا متجوزها عرفي، ومعايا ورقة إنك مخلوع من ٣٠_ ١١_ ٢٠١٨، وأنا بتعامل معاها كزوجتي”.
واختتم: "روحت أشوف محامي، المحامي اتفاجئ إن القضية محكوم فيها وفضلت عايشة معايا حوالي سنة كاملة وأنا مخلوع، أنا رفعت قضية ببطلان الخلع والسرقة والزنا والسب والقذف وأهلها قالولي طلقها ونقسم فلوسك على مراحل قبل ما أعرف الخلع، روحت لمحاميين وشيوخ محدش قدملي حل".
