"كنت محتاجة حد يطبطب عليا".. انتحار فتاة بعد تناولها حبة الغلال السامة بالدقهلية
لقيت فتاة مصرعها بعدما أقدمت على التخلص من حياتها، وتناولت حبة الغلال السامة، وتم نقل الجثة لمشرحة المستشفى.
وكان مدير أمن الدقهلية، تلقى إخطارًا من مدير المباحث الجنائية، يفيد بورود بلاغ لمأمور مركز شرطة بلقاس، بانتحار فتاة بحبه الغلة السامة، بقرية بحر العش التابعة لدائرة المركز.
وانتقل ضباط مباحث المركز لمكان البلاغ، بالفحص تبين مصرع رنا ج.ش. طالبة جامعية، وذلك بعد تناولها حبة الغلة لمرورها بأزمة نفسية نتيجة خلافات عائلية.
انتحار فتاة بعد تناولها حبة الغلال السامة بالدقهلية
وتم نقل الجثة لمشرحة المستشفى، وتحرر عن الواقعة المحضر اللازم، والعرض على النيابة العامة لمباشرة التحقيقات.
وتركت الفتاة عبر صفحتها على موقع التواصل الاجتماعي "فيسبوك"، رسالة قبل وفاتها قالت فيها: أنا حزينة حزينة أوي إني وصلت للمرحلة دي، وأنا بكتب الرسالة دي مش شايفه من كتر الدموع اللي بتنزل من قلبي مش عيني، أنا تعبت تعبت أوي واستحملت كتير أوي بس أنا إنسانه عندي طاقة مش قادرة استحمل كل ده لوحدي، أنا بس كنت محتاجه حد يطبطب عليه وياخدني في حضنه أنا عمري ما حسيت بحنية أم ولا أب ولا اخوات ولا اصحاب، انا عايشه لوحدي حرفيًا رغم وجود الناس دي حوليا انا لوحدي والوحدة وحشة أوي ومُتعبه أوي، أنا اتهلكت وتأذيت واتخذت من اقرب ناس ليا وفي الاخر قالي معلش، محدش يكلف نفسه يفكر فيا ولا يفكر في إحساسي، أعيش ليه، أعيش لمين، انا ف الوقت ده كنت عاوزه بس اللي يحسسني اني استاهل أتحب وأن حد يفضل معايا عشاني عشان بيحبني.
وأضافت في رسالتها: أنا حاربت الناس كلها علشان ابقي كويسة وكل محاولاتي فشلت، تاكدوا اني موصلتش لهنا بسهولة كده لا والله انا عافرت عشان موصلش بس للاسف الحزن كان أقوى مني أتمني ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرًا أنا كنت لوحدي ودلوقتي لوحدي فأتمنى محدش من أهلي يحضر جنازتي لأنى ماشيه زعلانه زعلانه منهم كلهم ومش مسامحة في حق نفسي ابداً، ادعولي بالرحمه افتكرونى بالخير وأتمنى متنسيش زي ما كنت منسيه وقولوا للشخص اللي ختم نهاية حياتي انه كان أملي الوحيد وللاسف خذلني، عرفوه إني كنت بحبه عرفوه اني خلاص فارقت الدنيا دي وانا حزينه وزعلانه على نفسي، هيعرف بالصدفة أني موت زيه زي ناس كتير اوى كانت في حياتي حفلة تخرجي بعد بكره هي مش حفلة تخرجي من الكلية بس ومن الحيااة كلها، ادعولي ربنا يسامحني ومحدش يقولي ماتت كافرة لأن الكُفر هو اني افضل عايشه مأذيه ومنسيه ووحيدة.
