محمد الغيطي: بوسي هاجمتني وعدم معرفتها بوفاة والدها عذر أقبح من ذنب

هاجمت الفنانة بوسي الإعلامي محمد الغيطي ، مؤكدة أن ما قاله عن خلافها مع والدها كان من باب بر الوالدين.

محمد الغيطي: بوسي هاجمتني وعدم معرفتها بوفاة والدها عذر أقبح من ذنب

وقال محمد الغيطي فى برنامجه التليفزيوني: “مبرر بوسي بعدم حضور جنازة والدها، لأنها علمت بخبر وفاته بعدها بيومين عذر أقبح من ذنب”.

وتابع الغيطي: “بوسي تعيش فترة من التوتر حالياً بسبب عودة زوجها إلى طليقته، وصرحت الأخيرة بأن زوجهما وعدها بتطليق بوسي من أجل الأولاد”.

ويذكر أن المطربة بوسي قالت، إنها لا تحب الحديث عن حياتها الشخصية على منصات التواصل الاجتماعي، موضحةً: "أنا مبحبش أرد على  الشائعات ومش هرد على حاجة، أنا بتكلم عن شغلي بس، واتفقت معه على أن يرد طليقته لأني عارفة قيمة الضنا، وأولاده صحاب ابني، ولما اتجوزنا كان منفصل عن مراته من فترة وعمري ما هتجوز راجلوعلى ذمته واحدة تانية".

وأضافت في مداخلة هاتفية مع الإعلامية بسمة وهبة مقدمة برنامج "90 دقيقة"، على قناة المحور: "الناس بتشتمني وبتغلط فيّ من غير ما تعرف عني حاجة أو تتحرى عني، ولا أفهم سر إنشغال السوشيال ميديا بحياتي الشخصية".

وتابعت: "اللي بيقول باباها ميت غضبان عليها، إيش عرفك؟! انت كنت من بقية أهلي، ليه بتدعوا الكلام؟! المشكلة إن الكلام من زمايلي اللي واكلين عليّ عيش وملح، الكلام ده طلع من زميل ومش هقول اسمه زعلان مني عشان معزمتهوش على الفرح".

وواصلت: "الناس ايه اللي عرفها إن في مشاكل، انا متطلقتش وحياتنا مستمرة ومسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني، وبالنسبة لأبي، فقد تصالحت معه قبل وفاته ولم أعلم بوفاته إلا بعد الدفن بيومين".