عفاف مصطفى تنضم للجزء الثاني من "رمضان كريم"
انضمت الفنانة عفاف مصطفى ، للجزء الثاني من مسلسل رمضان كريم، معلنة ذلك من خلال صور نشرتها عبر حسابها الخاص على موقع التواصل الاجتماعي فيس بوك.
عفاف مصطفى تنضم للجزء الثاني من "رمضان كريم"
وكتبت عفاف مصطفى على فيس بوك: علي بركة الله.. لما تطبطب عليك الدنيا أحيانا.. استقبال حافل لي من الحاج أحمد السبكي و قاللي ليه استعجلتي وكتبتي علي صفحتك انك مش معانا ومين الشخص او الاشخاص الغلاويين اللي وصلولك معلومه خطأ طب كنتي سألتيني انا مانتي بتتواصلي معايا".
وتابعت: " وعرفت منه المسلسل احداثه لم يتغير منها شيئ و كما هي والاستاذ احمد عبد الله عاكف علي كتابة باقي الحلقات وكل الشخصيات زي ماهيا.. بفضل الله مضيت امبارح مسلسل ( رمضان كريم) الجزء التاني وربنا يتم لنا علي خير بإذنك يارب".
أضافت:" وانا من الان فصاعدا مش هرمي ودني لحد وهجيب اي معلومه من مصدرها.. بأمانه فرحانه ويارب تكرم كل زملائي اللي في المهنه الشاقه يشتغلوا ويفرحوا ويرزق كل طالب رزق بفضل دعواتكم ليه يا أصدقائي كانت من الله الإستجابه وجبر الخاطر .....الحمد لله".
