لمياء تطلب الخلع : اكتشفت أنه اتجوز عليا 9 مرات وهو مسافر

" كنت بقف معاه وبعت دهبي وساعدته من فلوس والدى عشان يسافر ونشوف مستقبلنا، وبعد ما ربنا كرمه عشر  سنين فى الغربة، كان بيجي يشوفنى كل سنة مرة واستحملت وبربي عياله اكتشفت أنه متجوز 9 مرات فى الغربة من جنسيات مختلفة وبيدلعهم وعايش معاهم حياته وانا هنا مستنية ومحرومة منه وبراعى ربنا فى بيته وشرفه ".

 جاءت هذه الكلمات على لسان لمياء البالغة من العمر 28 عاما خلال رفع دعوى خلع ضد زوجها بعد عشر سنوات من الزواج مبررة استحالة العشرة معه .

وقالت الزوجة فى مستهل حديثها مع " مصر تايمز" ، بعد ما اتجوزنا فكر فى موضوع السفر، وقررت انى اساعده واقف معاه وبعت دهبي وجبت له فلوس من اهلى عشان يجهز ورقه ويسافر واستحملت بعده عنى، فى مقابل أنه ربنا يوفقه وكان بيجى اجازة كل سنة مرة شهر وكنت بقول الحمدلله وربنا كرمنى منى بطفلين واستمر فى الغربة عشر سنين، وعمرى ما فكرت أنه ممكن يفكر أو يتزوج عليا .

وتابعت حديثها، لحد ما اكتشفت فى اجازة وهو بيتكلم مع حد بصوت واطي فى نص الليل وبيحكى ليه عن مغامرته فى الجواز من ستات جنسيات مختلفة هناك وأنه اتجوز ٩ مرات ولما واجهته قال إنه كان بيهزر لكن أنا مش مصدقة وطلبت الطلاق ورفض  فرفعت عليه دعوى الخلع ومازالت الدعوى منظورة أمام القضاء.