"عمرى ماهبطل تمثيل ومعنديش نقطة ضعف".. ملخص تصريحات سوسن بدر مع عمرو الليثي

كشفت الفنانة سوسن بدر عن جوانب في حياتها الشخصية وتفاصيل جديدة في مشوارها الفني وذلك خلال حوارها مع الإعلامي عمرو الليثي، في برنامج واحد من الناس، الذي يعرض عبر شاشة قناة الحياة.

وقالت النجمة سوسن بدر عن مشوارها الفني "أنا ربنا بيحبني لما أبدأ مع عادل إمام ونور الشريف، علموني كل حاجة، وعادل كان وقتها ولا يزال نجم النجوم، وكان بيعمل مسرحية شاهد مشافش حاجة لما قابلته في أحلام الفتى الطائر، وكانت أول مرة وحيد حامد يكتب للتليفزيون".

وتابعت فى حوارها مع الإعلامي عمرو الليثي ببرنامج "واحد من الناس"، "عادل لاحظ إني بترعش ومش قادرة أتكلم، وكان عنده قدرة تخليك تنسى أي مخاوف من غير ما يسألك، بإنه يراجع معاك، ويقول الجملة دي ممكن تتقال بطريقة مختلفة تضحك أكثر".

واستعادت سوسن بدر كواليس تصوير فيلم "شمس الزناتي" مع عادل إمام قائلة: "مفيش صحرا في مصر مصورناش فيها، وكنت مسمية المخرج سمير سيف ثعلب الصحراء، والتصوير كان في شهر يوليو وأغسطس".

وتابعت: "الجو صعب جدا لكن كنا مستمتعين بالمشاهد والكواليس، وكان في مشهد لحصان يجر عربية كارو ومروبط في ظهرها حمار كل شوية يرفض يتحرك، وننزل نتحايل عليه وسط ضحك من الجميع".

"عمرى ماهبطل تمثيل ومعنديش نقطة ضعف".. ملخص تصريحات سوسن بدر مع عمرو الليثي

ـ عادل إمام عنده القدره تخليك تنسى أي مخاوف من غير ما يسألك

 ـ  مفيش صحرا في مصر مصورناش فيها فيلم شمس الزناتي

 ـ كنت مسمية المخرج سمير سيف ثعلب الصحراء

ـ مش بخاف من الموت ومستعدة جدًا له في أي وقت

ـ معنديش وصية محددة بس كل واحد عارف هيعمل إيه

ـ معنديش نقطة ضعف ولكن أكتر حاجة بتوجعني أن حد من ولادي يكون زعلان 

ـ راضية جدا عن حياتي ومحظوظة أن ربنا قدرني وكتبلي أقدم أعمال فنية مهمة ولها أثر في المجتمع 

ـ مفيش نمبر وان في الفن، لأنه مش بالضرورة أبقى كويسة في كل الأعمال وهي مش قاعدة.

ـ عمري ما هبطل تمثيل أنا ببدأ وعملت 400 عمل بس

ـ أكتر حاجة مش بتسهل فيها الكذب والتأخير في المواعيد

ـ من أقرب أعمالي مسلسل شمس الزناتي وفيلم الشوق شخصية حنة