بعد فصل ابنه في أول يوم دراسة.. تعليق صادم لولي أمر الطالب المفصول بأسيوط: "يستحق العقاب المعنوي"
تداول رواد مواقع التواصل الاجتماعي، جواب فصل لأحد الطلاب بأسيوط في اليوم الأول من العام الدراسي الجديد.
وكتب ولي أمر الطالب المفصول عبر حسابه على موقع التواصل الاجتماعى “فيس بوك”: أنا أرحب بهذا الإجراء ولا لوم عليك، الفصل عقاب معنوي لابني ولك كل احترام وتقدير وأنا اعترف بمجهوداتك في رعاية أبنائنا وأقدم اعتذار لسوء الفهم لذلك وأنا أرحب بهذا العقاب ولو اشد من ذلك لأني أعلم خوفك على مصلحة أبنائنا”.
وعلق محمد جمال مدير مدرسة جمال العطيفى الثانوية بنين بابوتيج قائلا :" هو حضراتكم زعلانين عشان بنقوم الأولاد ، الطلبة جاية من أول يوم معندهمش أي قابلية للجلوس داخل الفصل لانهم واخدين معظم الدروس من شهر 8 ، وكمية الشتايم اللي بينهم وبين بعض بشكل يصعب تصديقه ... اعمل ايه .. هل نتركهم؟.
وأضاف مدير المدرسة في تعليقه على صفحات أحد منشورات الفيس بوك قائلا: طيب لو سيبناهم بيصوروا بعض وتقولوا المدرسة كلها في الملعب ومفيش انضباط ولما نقوم الطلبة ونضبط سلوكياتهم ونحاول نوصلهم للطريق الصح تزعلوا واشتغلوا على مواقع التواصل دون أدنى مسئولية .. هل لو الطالب قاعد في الفصل كان هيتعاقب؟.. طيب مسالتش نفسك لما الطالب هيسيب الحصة هيعمل إيه ؟ .. أنا هقول لحضرتك اما هينزل الملعب يلعب أو يروح لزمايله الفصل ياخدهم من باقي الفصول أو يحاول يروح البوابة أو السور علشان يهرب ف ايه الحل .
