الماكيير أحمد مصطفى: ياسر جلال و صبري فواز شافوا المكياخ في الأختيار 3 اخدوني بالحضن
قال الماكيير أحمد مصطفى، ماكيير مسلسل "الاختيار 3" أنا خريج معهد حاسب آلي، وأنا في المعهد حبيت شغل المكياج وبدأت أشتغل لحد ما بقيت مساعد أول، وخالي رحمة الله عليه هو اللي حببني في شغلانة الماكيير، و زمان في معهد السينما كان في قسم مستقل بذاته للمكياج، بس بعد كده بقت مادة ضمن المواد بتدرس لكل دفعة، وده اللي خلاني أفضل أني أتعلم شغلة الماكيير بالخبرة، وكنت أتمني إنه كقسم يرجع تاني.. لأنها حاجة مهمة جدا جوا صناعة السينما أو المسرح، جاء ذلك خلال مداخلة هاتفية لبرنامج تريو تقديم مها بهنسي على نغم إف إم.
وأضاف زمان كان المخرجين بيحتاجوا ماكيير يعمل ماسكات أو شغل سيليكون فكانوا بيستعينوا بناس من برا، ولكن دلوقتي عندنا كل الشغل ده، وبقي في اسماء كبيرة كمان، وأنا تخصصت في الدقون والشنبات حباً في أبي الروحي محمد يوسف طه، اللي حببني في الشغل ده وبعتبره هندسة وتخيلات، لازم نتعرف فيها على بشرة الممثل، وتفاصيل تانية كتير.
وتابع بشتغل من سنين مع الفنان أحمد عز، وبعد وفاة الماكيير محمد يوسف، هوه اللي طلبني أكون معاه من وقت فيلم "الخلية".
واختتم قائلا بعتبر مسلسل "الاختيار 3" نقلة مهمة في حياتي المهنية، والفنان ياسر جلال اشتغل جدا علي الشخصية، والحمد لله ربنا كان ميسر الأمور، والنتيجة فاقت توقعاتنا، وأول ما ياسر جلال شاف النتيجة في المراية قام أخدني بالحضن. وكذلك الفنان صبري فواز.
