المطربة مي عبدالعزيز: حلم حياتي أغني مع الشاب خالد
قالت المطربة مي عبدالعزيز أنا بحب أسال الفانز بتوعي علشان يقولولي افكار جديدة ومختلفة، و الأغنية الجديدة كانت موجهة لكل حد عنده ex في حياته، و انا بمر بمراحل مختلفة طول الوقت، يعني الشهر اللي فات غير الشهر ده، وقررت أطلّع ده في الفن بتاعي، جاء ذلك خلال مداخلة هاتفية لبرنامج هيتس باي هيتس تقديم ياسمين أبوالفتوح على راديو هيتس.
و أضافت بدايتي كانت اغنية اسمها beautiful mohammad كانت بالعربي و بالانجليش وكنت بعبر بيها عن نفسي وعن حاجة مضايقاني، و حاسة إني وصلت لمرحلة إن الناس فاهمة ال style بتاعي في الغناء وبحاول يكون جديد ومختلف، و حسيت إني نجحت وحققت إنجاز في أغنية "أشجع واحدة".
وتابعت:" الستات بتمر بصعوبات على مدار الـ24 ساعة وكان لازم أدعمها، و من وأنا صغيرة بحب الناس تبقى بتبص عليا، وما حستش إني خايفة وأنا على المسرح، و أهم حاجة يبقى معايا ميا وأنا على المسرح والكلام بتاع الأغنية لأني بنسي كلمات الأغاني بتاعتي" .
واختتمت قائلة:" انا شخص مجازف جدا وبحب التجربة أوي، و كنت ولازلت متأثرة جدا بالشاب خالد، وحلم حياتي أغني معاه".
