شركة "جوميا" تواصل كوارثها.. بعد علب العصير بدل التليفون مواطن يتهمها بالنصب عليه فى ساعة

واصل رواد مواقع التواصل الاجتماعى عرض تجاربهم السيئة مع شركة توصيل الطلبات أون لاين " جوميا" والأخطاء وتبديلهم للمنتجات، فبعد واقعة النصب على مواطن وإرسال علبتين عصير له بدل من موبايل كان قد اشتراه من الموقع ، عرض شخص آخر تجربته السيئة مع جوميا ونصبها عليه فى ساعة ، على حد قوله.

وقال صاحب الشكوي منتقدا جوميا ،" دلوقتي انا اشتريت ساعة سمارت من جوميا وجابلي بعد يوم بالظبط وطبعا غباء مني اني  استلمت وما فتحتهاش غير بعد المندوب ما مشي وكانت سليمة وكل حاجة بس مش شغالة نهائي ولا بتشحن حتي وبعتلهم في نفس اليوم انها مش شغالة ورجعتها علبتها وقفلتها وجه مندوب استلمها اتفاجئ انهم رفضوا الاسترجاع".

وتابع عن جوميا ،" وبيقولوا اني رجعت موديل تاني وانها مقطوعة وعايزني استلمها تاني طيب ازاي اقبل يقولولي استلمها بس واحنا هانقدم شكوى تاني ولو مستلمتهاش هاروح عليا فلوسي طيب انا رجعتها وهيا سليمة استلمها ازاي وهي مقطوعة وكمان مش نفس اللي طلبتها قلولي اعمل ايه دلوقتي استلم ولا لاء وايه التصرف الصح معاهم انا معايا بس إيصال استلام مندوب المرتجع وللأسف مصورتش الساعة وصورت الي رجعوهالي".

وكان أحد المواطنين قد سرد مشكلته مع شركة جوميا على مواقع التواصل الاجتماعى بعدما أقدم على طلب أوردر من شركة "جوميا" وهو تليفون سامسونج  وفوجئ عند استلامه الأوردر بأنه علبتين عصر وليس التليفون.

وقال صاحب الشكوي عن جوميا" اخواتي مشكلتي باختصار طلبت أوردر من Jumia تليفون سامسونج بفتح الاوردر لقيت عدد 2 علبة عصير و فتحتها قدام المندوب و كلم مديره عمال يماطل فيا و كلم خدمه العملاء و اكلمهم قافلين".