سهير جودة: الثقة تضيف للجمال أو تخسف منه

أعربت الاعلامية سهير جودة، عن إعجابها الشديد باللوك الجديد التي ظهرت به المطربة أصالة منذ أيام، قائلة: قمر.

وأضافت سهير، في تصريحات تلفزيونية قائلة: كل حد بيشتغل على نفسه وبيعمل حاجة حلوة لازم نقول بسم الله ما شاء الله، اللهم بارك، مش نقعد نقول وايه وليه وازاي.

وأكدت سهير جودة على إعجابها بالثقة، لأن المظهر الجيد يعطي الثقة للإنسان، قائلة: اصالة كان عندها حفلة من فترة قريبة في السعودية، وخلال لقاء تلفزيوني قالت انها عملت اشياء في وجهها، والاهتمام بالشكل والجمال بقى شيئ رئيسي.

ووجهت سهير جودة سؤال خلال البرنامج، قائلة: ايه اللي ادي للناس فكرة اهتمام بالجمال، وهل يعزز الثقة بالنفس ويجعل الستات تتعافى اكتر، وهل فكرة الصدمات العاطفية لها سبب في هذا الامر.

وقالت سهير جودة، إن هناك دراسة بريطانية تؤكد ان اكتر من ربع الزيارات لعيادات التجميل من النساء المطلقات حديثا، مشيرة: ده معناه ان الثقة هي اللي بتمنح الست جمال حقيقي، لازم الاول اكون واثقة في نفسي، لكن في ست جميلة بس معندهاش ثقة في نفسها، وست احنا نشوف انها مش جميلة شكلا بس عندها ثقة، الثقة دي بتضيف للجمال او تخسف منه، والصدمات بتخلي الستات تهتم بالتجميل اكتر.